MEGHALAYA : Ka Hill Farmers Union HFU ryngkat ka KSU Nobosohphoh ki la pynlong ia ka jingialang na ka bynta ban pyntip paidbah ia ki Nongrep jong ka thain Rangblang halor ka jingioh jingmynjur ia ka pisa ai jingiarap halor ka jingshah pynjulor ki mar rep ha ka bor mariang.
Kane ka pisa kaba dei ban siew sha ki Nongrep ka la kot sha ka 1.20 klur bad ka dei na ka bynta ki nongrep kiba la ngat ha ka apot jong ka jingshah pynjulor ha ki bor mariang.
Na ka liang jong u President ka HFU sengkmie u bah commander Shangpliang u la ai khublei ia u Myntri barim ka tnad revenue & Disaster management kata u Bah Kyrmen Shylla bad kumjuh ruh ia ka KSU Nobosohphoh kiba la iarap ban trei shitom ban ban iai buddien halor kane ka skim kaba la sahteng da ki snem.