Ka kynhun ki samla jong ka seng sain pyrthei ka Meghalaya Trinamool Youth Congress (MTYC) ka la khot ia ki samla ka jylla ba kin pyniasoh ialade bad kane ka seng sain pyrthei.
Ia kane ka jingkhot la pyntip da U Fernandes Dkhar ha ka jingialang jong ka state executive meeting jong ka party. U la ong ruh ba shen ka party kan sa leit sha ki samla bad ban khot ia ki ban pyniasoh sha ka party.
U la iathuh ba ka party ka buh thong ban pynrung 1000 ngut ki samla ha man la ki constituency “Ki samla kiba don ia ka juh ka thong ki dei ban pynpaw ia ki jingpyrshah halor ki jingleh bakla jong ka sorkar” u la bynrap.
U la kynnoh ruh ba ki samla ki la shah kyntait ia kiba bun ki lad ki lynti kum ha ka bym thep ia ki kam kiba lait bad kiwei kiwei.