Shillong:Ka Seng Hynniewtrep youth council (HYC), ha ryngkat ka kynhun jong ki samla pule jong ka jylla Meghalaya myn ha ka 10 tarik u Naiwieng 2022 ka la lum paidbah ia ki samla pule ha Mot u Bah Bull Lyngdoh uba don ha khmat Shillong Law College. Ka mat ba ki mih ba ka Sorkar ka pynslem ban pyllait noh ia ka bai bam jong ki samla pule (scholarship) kaba la mang na ka bynta u snem 2021-22. Ka Education cell jong ka Seng, ha ka jingialam jong u Education Secretary u Samla Enlang Sawian, haba iakren sha ki lad pathai khubor, u la iathuh ba ka seng ryngkat bad ka kynhun ki samla pule na ki kylleng ki kolej jong ka jylla, ka pynrem ia ka Sorkar Jylla naduh u Myntri Rangbah bad u Education Minister u Ma Lahkmen Rymbui bym lah ban ài ia ka baibam ki samla la shisnem kynthih. Katei ka Pisa baibam jong Ki samla pule ka dei ba la ài da ka Sorkar Pdeng katba ka Sorkar Jylla ka bat pynslem iathuh U bah Samla Enlang Sawian. Ka Jingkren U Samla Enlang Sawian ha ki lad pathai khubor u iathuh ba ka Tnad Pule Puthi ka dei ban don la ka jong, ka Scholarship Cell ban peit tang ia ka Pisa baibam jong ki samla pule. Kumta ka Seng HYC ka ài por haduh 15 tarik u Naiwieng ban pynrung ia ki Baibam ha ki Account jong ki samla pule iathuh u Samla Enlang Sawian.