Shillong – Ka 13 tarik u Naiwieng ka Jylla Niam Bah Shillong mynta u snem ka la sakhi ia ka jingngeit kaba skhem, jong ki paid U Blei ban shim bynta ha ka Jingknia Iukharist ia kaba la pynlong ha Madan Kalbari ka Shnat Niam Iing Mane Bah ka Maria ka Nongiarap Ki khristan Laitumkhrah. Ia katei ka Nguh ka Dem Blei la pynmynta da u Lyngdoh Sad Rangbahduh ka Jylla Niam Bah Shillong u Most. Rev. Archbishop Victor Lyngdoh ia kaba la synran da ki lyngdoh sohblei ka Jylla Niam Bah. Shwa ban pynmynta ia ka Nguh ka Dem bad ka Iabam Iasip ia ka Met bad ka Snam U Khrist u Sohblei Bernard Laloo Nongsharai Rangbah ka Shnat Niam Laitumkhrah u la pdiang sngewbha ia ki lyngdoh lyngdoh baroh ki paidbah U Blei ha ryngkat lang ki riewniam shynrang bad kynthei. U Sohblei Bernard Laloo u la ài lamphang ia kane ka Mass Bakhuid jong ka Proseshon Bah Laitumkhrah shisien shisnem ka long kaba kyrpang bad ka sien nyngkong ia u Archbishop Victor Lyngdoh ban long u Nongknia Rangbah hadien ba u la wan shimti kum u Khliehduh ka Jylla Bah Shillong. U Archbishop Victor Lyngdoh uba shimti kum Khlieh nongsynshar ha Jylla Niam Bah hapdeng ka jingkhlad noh u Most Rev Archbishop Dominic Jala. Hapdeng ka jingshimti jong u Archbishop Victor Lyngdoh kum u Archbishop Shillong ka dei hapdeng ka jingpang khlam COVID 19 ka Balang ka don hapdeng ka jinghiran hynrei ia ka jingngeit kaba la ioh bad sam ym la lah ban pynduh u Archbishop Victor Lyngdoh ba hiar pateng na U Archbishop Dominic Jala u la long u Diengshan ia ka Jylla Niam Bah Shillong. Ha ki ar snem ba leit jong ka jingpang khlam Covid ki paid U Blei Ki shim bynta ia ka Proseshon Iukharist na la iing na la Sem lyngba ki jingmane Sakrament ba la ài live telecast na Iing Mane Bah Laitumkhrah. Mynta u snem Ki paid U Blei Ki la iatuid kum ka Um wahduid ban wan shim bynta ban Sakhi ia ka jingieid Blei ha ka Iukharist Bakhuid. Na ka liang u Lyngdoh Sad Rangbahduh Victor Lyngdoh haba BSA ia ka ktien U Blei sha ki paid U Blei u iathuh ki arsnem Ki la leit ym lah ban ioh bynta ia ka Iukharist Bakhuid hynrei mynta ka long ka jingkyrkhu ban shim bynta. “To kynmaw ka Iukharist Bakhuid ka dei ka Jingim kaba ai Jingim ban bsa ia ka Mynsiem” pynsngew u Archbishop Victor Lyngdoh. Ia ka Iukharist Bakhuid ban pdiang ka dei ka jingsngewthuh jong ki khristan namar ka dei ka “Jingmaia” jong ka Niam Katholik, u Archbishop Victor Lyngdoh u bynrap ka Iukharist ka dei ka lynti jong ka Jingieid U Khrist ia Kiba pdiang ban ioh ka jingkoit ha ka mynsiem. U la pynkynmaw ia U Akostin Bakhuid U Doktor Balang u riewstad ka Balang bad uba dem ban pule ban wad ia ka Jingmaia jong ka Iukharist Bakhuid iathuh u Lyngdoh Sad Rangbahduh. Hadien jong ka Nguh ka Dem Blei u Lyngdoh Sad u la pynkup burom ia Kawei ka Kong Erica Mary Jyrwa na ka Shnat Niam Laitumkhrah halor ka jingnoh syniang ha ki jingthoh Artikel ha ka Khubor “Ka Iing Khristan” ba la ài da ka EBIK. Shillong – Ka Jylla Niam Bah Shillong mynta u snem ka la sakhi ia ka jingngeit kaba skhem, jong ki paid U Blei ban shim bynta ha ka Jingknia Iukharist ia kaba la pynlong ha Madan Kalbari ka Shnat Niam Iing Mane Bah ka Maria ka Nongiarap Ki khristan Laitumkhrah.
Ia katei ka Nguh ka Dem Blei la pynmynta da u Lyngdoh Sad Rangbahduh ka Jylla Niam Bah Shillong u Most. Rev. Archbishop Victor Lyngdoh ia kaba la synran da ki lyngdoh sohblei ka Jylla Niam Bah.
Shwa ban pynmynta ia ka Nguh ka Dem bad ka Iabam Iasip ia ka Met bad ka Snam U Khrist u Sohblei Bernard Laloo Nongsharai Rangbah ka Shnat Niam Laitumkhrah u la pdiang sngewbha ia ki lyngdoh lyngdoh baroh ki paidbah U Blei ha ryngkat lang ki riewniam shynrang bad kynthei.
U Sohblei Bernard Laloo u la ài lamphang ia kane ka Mass Bakhuid jong ka Proseshon Bah Laitumkhrah shisien shisnem ka long kaba kyrpang bad ka sien nyngkong ia u Archbishop Victor Lyngdoh ban long u Nongknia Rangbah hadien ba u la wan shimti kum u Khliehduh ka Jylla Bah Shillong.
U Archbishop Victor Lyngdoh uba shimti kum Khlieh nongsynshar ha Jylla Niam Bah hapdeng ka jingkhlad noh u Most Rev Archbishop Dominic Jala.
Hapdeng ka jingshimti jong u Archbishop Victor Lyngdoh kum u Archbishop Shillong ka dei hapdeng ka jingpang khlam COVID 19 ka Balang ka don hapdeng ka jinghiran hynrei ia ka jingngeit kaba la ioh bad sam ym la lah ban pynduh u Archbishop Victor Lyngdoh ba hiar pateng na U Archbishop Dominic Jala u la long u Diengshan ia ka Jylla Niam Bah Shillong.
Ha ki ar snem ba leit jong ka jingpang khlam Covid ki paid U Blei Ki shim bynta ia ka Proseshon Iukharist na la iing na la Sem lyngba ki jingmane Sakrament ba la ài live telecast na Iing Mane Bah Laitumkhrah.
Mynta u snem Ki paid U Blei Ki la iatuid kum ka Um wahduid ban wan shim bynta ban Sakhi ia ka jingieid Blei ha ka Iukharist Bakhuid.
Na ka liang u Lyngdoh Sad Rangbahduh Victor Lyngdoh haba BSA ia ka ktien U Blei sha ki paid U Blei u iathuh ki arsnem Ki la leit ym lah ban ioh bynta ia ka Iukharist Bakhuid hynrei mynta ka long ka jingkyrkhu ban shim bynta.
“To kynmaw ka Iukharist Bakhuid ka dei ka Jingim kaba ai Jingim ban bsa ia ka Mynsiem” pynsngew u Archbishop Victor Lyngdoh.
Ia ka Iukharist Bakhuid ban pdiang ka dei ka jingsngewthuh jong ki khristan namar ka dei ka “Jingmaia” jong ka Niam Katholik, u Archbishop Victor Lyngdoh u bynrap ka Iukharist ka dei ka lynti jong ka Jingieid U Khrist ia Kiba pdiang ban ioh ka jingkoit ha ka mynsiem.
U la pynkynmaw ia U Akostin Bakhuid U Doktor Balang u riewstad ka Balang bad uba dem ban pule ban wad ia ka Jingmaia jong ka Iukharist Bakhuid iathuh u Lyngdoh Sad Rangbahduh.
Hadien jong ka Nguh ka Dem Blei u Lyngdoh Sad u la pynkup burom ia Kawei ka Kong Erica Mary Jyrwa na ka Shnat Niam Laitumkhrah halor ka jingnoh syniang ha ki jingthoh Artikel ha ka Khubor “Ka Iing Khristan” ba la ài da ka EBIK.
