Shillong, Nohprah 15 : Ia ka Ktien Khasi kaba dei ban ioh jingithuh bad ban rung noh ha ka Khyrnit kaba Phra ha ka Riti Synshar jong ka Ri India ka dang shem jingeh ban ioh wat lada ki 60 ngut ki MLA ki la dep shim Rai ne Resolution ha Iingdorbar Thaw Ain ha u snem 2019. Wat la ka Khasi Author Society ka la trei shitom ban ia khun hynrei ka shong pat ha ka Sorkar Jylla ban ia buddien. Na ka liang ki nongialam BJP ha jylla Meghalaya ki iathuh ba ka seng ka dang buddien ia kane, ka kam kawei pat ki iathuh ruh ba ki don tang ar ngut ki MLA iathuh u bah Earnest Mawrie President ha ki lad pathai khubor. U Bah Ernest ula pyntip ruh ba ula dep iakren ia ka kam ba iadei bad ka Ktien Khasi bad Garo bad ka Sorkar Pdeng ka dang shong bishar ia kane. Na ka liang u Myntri Sorkar Bah Sanbor Shullai iathuh lada kwah ban ioh ki mat jingdawa Inner Line Permit (ILP) bad ka ktien Khasi, ki paid ka jylla ki dei ban jied noh ia ka BJP ban ioh thaw sorkar ha u 2023. U Bah Sànbor Shullai ula ban jur lada ka BJP kan ioh thaw sorkar marwei khlem pep ka Jylla Meghalaya kan ioh ia ka Inner Line Permit (ILP) bad ka Eight Scheduled. Shuh shuh u bah Sànbor Shullai u la Ong ailad ia ka BJP ban jop ha baroh 31 seat kat kaba kwah ka BJP kan pynurlong.