Tura: Ka jingialehkai jong ka Wushu ha ka lympung ialehkai jong ka Meghalaya Games kaba san ka la lah ba kan jam noh sha kaba kut hynnin ka sngi palei jong ka taiew. Ha kaba kut jong kane ka jingialehkai, ka kynhun jong ka East Khasi Hills ki la lah ha kaban bat ia ka kyrdan kaba halor duh jong ka miej khur takma, hadien ba kane ka kynhun ka la lah ba kan kur aduh 10 tylli ki takma ksiar 5 tylli ki takma Rupa bad 3 tylli ki takma Rnong, ka district kaba wan ban bat ia ka kyrdan kaba ar dei ka Ri-Bhoi District kaba la lah ba kan khur 5 tylli ki takma ksiar bad 2 tylli ki takma Rnong, katba ka District kaba la wan ban bat ia ka kyrdan kaba lai dei Noth Garo Hills kaba la ioh ba kan khur 2 tylli ki takma ksiar, 4 tylli ki takma Rupa bad 1 I takma Rnong. Na ka liang kibor ba dei khmih, ki niew bad shim ba ka jingialehkai Wushu ha kane ka lympung ka kren shai kdar ia ka jingsdang ba kan kiew bad ruh ban suthied bha ha kane ka jylla, ka daw bah kaba la pynlong ia ki ban ong kumne ka long ba lada khmih bha ia ka jingioh ban khur takma, la lap bad shem ba nalor kitei ki lai tylli ki district kiba la kdew haneng, kiwei kiwei ruh ki samla ba la wan iashim bynta na kiwei pat ruh ki district kim shym la leit phai thylli sha la iing namar ba la don ki rang ne ki thei ialehkai kiba la ioh ban khur lem ia la ki takma ki jong ki.***********************Lashai yn iakhun final ki kynhun ha ki jingiakop siat khnam ha ka Meghalaya GamesTura: Ha ka jingiakop siatkhnam (Archery) ki jingialehkai ki la jam sha ka final ha ka Meghalaya Games ha kaba ia baroh ki jingiakhun na ka bynta ban iaknieh ia ka nam lahduh yn pynlong lashai ka sngi ka 20 tarik u Kyllalyngkot 2024 ha Montfort Centre of Education School, Tura. Ki kynhun kiba la jam sha ka final ha ka Indian Round jong ki kynthei ne Women Team Event ki long ka West Khasi Hills District bad ka East Khasi Hills District. Katba ha ka jingialehkai kynhun jong ki shynrang ne Men Team Event ki long ka East Khasi Hills District bad ka South West Khasi Hills District. Ha ka Mixed Team jong ka Revurve ki long ka South West Khasi Hills District bad ka West Jaintia Hills. Katba ha ka Indian Round (Mixed Team) ki long ka East Khasi Hills District bad ka Eastern West Khasi Hills District. Ia ka takma rnong ha ka Women Team Event kaba la long hynne ka sngi, la khur da ka Ri Bhoi hadien ba ka la jop ia ka South Garo Hills District. Ka West Jaintia Hills District ka la khur ia ka takma rnong ha ka Men Team Event hadien ba ka la jop ia ka West Khasi Hills District. Ka Ri Bhoi ka la khur ruh ia ka takma rnong ha ka Mixed Team Event hadien ba ka la jop ia ka Eastern West Khasi Hills District. Ha ka Indian Round Mixed Team, ka West Khasi Hills District ka la khur ia ka takma rnong hadien ba ka la jop ia ka Ri Bhoi District.
