Shillong – Kum shi bynta ban pyn’khreh ia ka elekshon MP sha ka Lok Sabha ka TNad pulit jong ka Ribhoi ki ju pynlong ia ka jingtalasi ha ki surok bah National Highway 44.
Ha jingtalasi jong ki Bor Pulit Distrik ryngkat ka jingiarap ka E/67 Battalion jong ki CRPF ba pynlong ha ka 3 tarik u Lber ki la ioh ban kurup ia ka trok kaba don ia u Nombar NL 01-AH-5853 na Lad Umsaw bad u kanja 5000 kilo uba shongdor kumba T.20 klur.
U Superintendent of Police ka District Jagpal Singh Dhanoa ha ka sngi Nyngkong, ula pyntip ba kane ka jingioh kurup ka dei kaba la jia ha ka jingtalasi kali jong ki Pulit ka Ri-Bhoi DEF bad ka E/16 Battalion jong ki CRPF ha Lad Umsaw, hadien ka jingioh ia ka khubor ba thikna ia ka jingwan ka trok NL01-AH-5853 ba kit ia une u jingdih buaid.
Ha kane ka miet, ki Pulit kila bat ia kane ka trok bad kila kem ruh ia uwei u briew uba suba donkti.
Na ka liang ki pulit ki la pyndep ia baroh ki jingdonkam kat kum ki kyndon ka NDPS Act bad ha ka jingdonlang ki nongsakhi shimet, la khynra ia ka kali bad lap haduh 280 song u ganja” ula iathuh haba bynrap ban a ka jingle test ia une u jingdih la pynshisha ba dei u ganja uba khia haduh 4746.409 kilo.
Ki Pulit kila ioh kurup ruh ia ka pisa ba T. 3,760 na u nongniah jong kane ka trok u Babulal Sheikh, ia uba la kem da ki Pulit.
