Ka seng ki nongshna phlim ha ka jylla Meghalaya hapoh ka shatri jong ka Meghalaya Film Makers Association (MeFilMA) kan pynlong ia ka jingrakhe dap snem ha ka 22 tarik mynta u bnai ha U Soso tham Auditorium ka ban sdang naduh ka por 10 baje mynstep.
Ha katei ka sngi kin don bun ki nongiashim bynta kynthup ha ka rwai bad ka siaw bad kumjuh ruh ki jingshad bad kin don ruh ki director, producer bad ki actor actress nalor bun kiwei pat kiba ia don bynta ha ki kam shna phlim, ki jingrwai bad ki youtube.
Na ka liang jong ka seng ka la khot sngewbha ruh ia ki nongkyrshan bad ki briew kiba ju ieit ban peit phlim khasi ba kin iawan lang ha katei ka sngi. Kane ka long katkum ka kyrwoh khubor na ka kong Lucky D Kharsatia Assistant General Secretary jong ka MeFilMA.