Ia ka phlim khasi kaba la ap khmieh lynti mynta la bun bun snem kaba la ai kyrteng LYNGKAR yn sa pyni paidbah noh naduh ka 28 tarik mynta u bnai August ha Bijou Cinema Shillong.
Lah ban kdew hangne ba ia kane ka phlim khasi kaba ai kyrteng LYNGKAR la ak da U Samla Wellborn Mynsong kum u tyngshop bad ka Abalin Nongkhlaw lem bad ka Sanmilian Mawrie kum ki Puron, kiba la paw bha ka jylla.
Lah ruh ban kdew hangne U Samla Wellborn Mynsong udei uba la ju tip paidbah kum u Paheh bad ka samla Abalin Nongkhlaw kaba la ju tip paidbah kum ka Puliaw.
Ia kine ki shijur phin sa iohi ha ka sien kaba nyngkong ha ka phlim bad ha Cinema namar baroh shikatta ki la ju ak bad paw bha tang ha ki serial.
Nalor kine ki khlur ak phlim ka jylla la iadon bynta lang ruh u Arman Disiar uba dei uwei na ki tyngshop ba la pawnam bha ka jylla lem bad u Kyrmen K Ryja bad u khun jongu, U Miwan Pohthmi kiba dei ruh ki khlur ak phlim Youtube kiba ju ak ha ka Kers Channel.
Shuh shuh ha ka sien kaba nyngkong lyngba kane ka phlim phin sa iohi ruh ia ka jingbit ak jong uwei na ki nongialam ka seng Nongrep ka Hill Farmers Union (HFU) kata U Bah Allforndbith Kharsyntiew.
Nalor kine ha kane ka phlim phin sa iohi ruh ia u John Rani uba dei uwei na ki nongakphlim serial, nalor u Nickboy Shangpliang uba dei wei pat ki nongshna bad nongak ha ka youtube channel NICK SHANGZ.
Ia kane ka phlim la director bad pynmih da U Samla Elegis Thnongni bad U Samla Nickboy Shangpliang kiba dei ki nongshna phlim kiba la khmieh lynti ba kin sa dei ki nongshna phlim ki ban sa kiew bha.
Ha kane ka phlim ka don ruh ia ka jingrwai kaba sngewtynnad bad kaba khring bhai a ki nongpeitkai bad ki nongsngap namar la rwai da u Samla Wanjop Sohkhlet uba dei uwei na ki khlur nongrwai jong ka jylla.
Ia ka khana jong kane ka phlim la thoh da U Bah S Kharsyntiew uba la thoh ia kiba bun ki khana kiba itynnad bha.
