Mawkyrwat, Jymmang 04, 2024
Kumba 3 ngut ki runar bala suba jur haka jing don kti ban pyniap dusmon ia u wei u rangbah uba la tip kyrteng kum u Pynskhemlang Lyngkhoi (27) na ka shong Nongbah Marshillong, kaba jngai tang kumba 3 KM eiei na Mawkyrwat South West Khasi Hills District.Ki pulit jong ka Thanat Mawkyrwat ki la ioh ban kem noh ia kine ki riew thrangsnam
Lah ban kdew hangne ba ha ka 2 tarik u Iaiong, 2024 ki paitbah nongshong shnong ki la lap ia ka metiap jong u (L) Pynskhemlang Lyngkhoi kaba don ia ki dak mong na ki bynta jong u ryndang, ka kti kamon bad kiwei de ki bynta jong ka met, na kawei ka jaka hajan ka pynthor kba ha Riatthawlong, kaba hap hapoh ka shnong Mawkyrwat bad kaba dei ruh ka lynti iaid kjat ban leit sha shnong Marshillong.
Na ka liang jong ki pulit ki la pyntip ba mar ia jia kane ka jinglap metiap, na ka liang jong ki, ki la pynlong ia ka jingtohkit kaba bniah, bad haduh mynta ki la ioh kem lai ngut ki briew kiba donkti ha kane ka kam pyniap briew, bad ka jingtohkit ka la dang iaid shaphrang. Ki pulit ki la pynpaw ruh ia ka jingkhmih lynti ban ioh kem lut ia baroh kiba donkti.
Kine ki briew kiba la shah kem ki kynthup ia u Paul Andrew Lakiang (24) na ka shnong Mawkyrwat, u Michael Wanniang na shnong Marshillong bad u Ricky Paul Snaitang na shnong Nonglang, kiba hap hapoh from South West Khasi Hills District