Shillong, 5 Nailar 2025:
U Myntri Rangbah ka jylla, u Conrad K. Sangma, u la pynbna ïa ka Floriculture Mission 1.0 da ka jingtei pisa T.240 klur na ka bynta 3 snem, ban kyntiew ïa ka Meghalaya kum ka bynta ba hakhmat ha ka rep syntiew ha Northeast bad India.
Ha ka jingïalang ha Mawkriah, u CM ryngkat ka Myntri ka tnad Rep Dr. Ampareen Lyngdoh bad u MLA Ronnie Lyngdoh, u la ong ba kane ka skhim kan iarap palat 3,000 ngut ki nongrep da ka T.7 lak tyngka ha ka bynta jinghikai, jingtei bad tiar rep.
La thmu ban rep syntiew kiba kordor kum ki Orchid bad Lilium, bad ka Sorkar ka la pyniasoh kum ka Darjeeling Gardens bad North Bengal Floritech ban pyniaid shakhmat.
Ka thong ka long ban pynlong ka rep syntiew kum ka kamai kaba neh bad ka lad iohkam iohjam ba pynmyntoi shisha ïa ki nongrep ha jylla.