34 ngut la shah kem ha Assam namar ba ki ‘ïada ïa ka Pakistan’ hadien ka jingshah thombor ha Pahalgam:

Ki pulit ka Assam ki la kem ia 34 ngut ki riew shimet ha kylleng ki District bapher bapher halor ka jingkynnoh ba ki iada ia ka Pakistan hadien ka jingshah thombor jong ki lehnoh ha Pahalgam. U Myntri Rangbah ka Jylla, u Himanta Biswa Sarma, u la pynthikna ia kitei ki jingkem, ha ka sngi ba ar.
Ïa kine ki nongshah kynnoh la kem na ki District kiba kynthup na Cachar, Chirang, Hailakandi, Kamrup, Lakhimpur, Sonitpur, bad na South Salmara. U Sarma u la thoh ha ki social media, da kaba ong, “Baroh: 34 ngut ki nongpyrshah ri la buh ha lyndet ki kynroh ha Assam.”
Kitei ki jingshah kem ki don jingiadei bad ki jingkynthoh kiba kyrshan ia ka Pakistan lane ki jingthoh ha ki social media hadien ka jingshah thombor jong ki lehnoh ha Pahalgam .