Shillong:Ha ka 18 Tarik u Risaw 2024 ka Hynniewtrep integrated Teritorial Organisation Seng kmie hapoh ka jingialam jong u president u bah Donbok Dkhar ka la leit ban buh da ka jing ujor ha ki lai tylli ki bor jong ka jylla, kata ha Meghalaya Human Right Commission, ha office ka DGP ka jylla, bad ha u. Chief secretary ka jylla, haba iadei ka jingshah khanglad ki dkhot sengbhalang bad jingshah ktah kti ki Longkmie, ha ki bor VDP bad ki Shnong jong wahiajer Narpuh East Jaiñtia Hill District, ha ka public hearing ba la pynlong da ka Meghalaya state pollution control halor ka jingkwah ka MS megha top Cement private limited ban shna ia ka khar khana pynmih dew bilat
Haba kren sha ki ladpathai khubor u president jong ka seng u bah Donbok Dkhar u la ong ba ka jing ujor sha ka Meghalaya Human Right Commission ka dei namar ba ki don ki Longkmie kiba shah ktah kti ha ki VDP bad ki bor shnong, kiba la fail ban treikam, namar kum ba ka long ka public hearing ka shah ia ki ban sngap ia kaei kaba mih, hynrei ki la shah khnang
Ka jing ujor ha ki ha u DGP jong ka jylla bad Chief secretary ka dei halor ka jing bym lah treikam jong U Deputy commissioner jong Katei ka District bad SP jong Katei ka district, ka hiti ka dawa na kitei ki bor ban pynshitom ia kitei ki khlieh nongshynshar jong Katei ka District.