Shillong 11 Jylliew: Ki pulit ka jylla Meghalaya ki la rah ia ki 4 ngut ki shynrang ban tian bishar kynthup ia ka Sonam kiba la suba donkti ban pyniap ia u Raja Raghuvanshi, ha District Session Judge Shillong.
Kine ki saw ngut ki kynthup ia u Raj Singh Kushwaha u ba dei na Madhya Pradesh, U Akash Rajput, na Uttar Pradesh u Vishal Singh Chauhan uttar Pradesh bad u Anand Gurmi na Madhya Pradesh kiba la shah kem ha ka 9 Tarik Jylliew.
Ki pulit ka Meghalaya ki la wanrah ia ki ha Sardar Police station bad Nangne kin sa rah sha kawei na ki Hospital ha Shillong na ka bynta ban leh ia ka medical check up ia baroh .
Ia ka Sonam Raghuvanshi, la pynpoi ha Sardar Police station por shiteng miet 1baje duna eiei hadien ki la rah noh ia ka sha Ganesh Das Hospital na ka bynta ban leh medical check up.
Ki pulit ki la pynjur ruh ia ki bor pahara ha District & session judge , namar hadien ba la dep ia ka medical check up ia ki 5 ngut ki suba donkti ban pyniap ia u Raja Raghuvanshi kin wanrah sha kane ka jaka ban tian bishar ia ki .
Lah ban kdew hangne ba ka Sonam Raghuvanshi bad u Raja Raghuvanshi ki ba dei na Indore Madhya Pradesh ki la wan kai sha Jylla Meghalaya ha ka 22 tarik ban leit shangkai sha ki thaiñ Sohra, hynrei ha ka 23 tarik Jymmang ki la jah noh bad ha ka 2 tarik Jylliew la lap ia ka met u Raja Raghuvanshi ha khlaw arliang kaba don hajan ka kshaid Weisawdong.
Ha ka jingtohkit ki pulit ki la lap ia ka jingdonkti ki 5 ngut ki briew kiba kynthup ia ka lok u Raja Raghuvanshi, ka Sonam Raghuvanshi ban pyniap ia u bad da ka jingtrei shitom