6 baje mynstep jurip u Myntri ban peit ia ka madan mareh kam Home Gaurd ka jingmudui ki samla aplai kam namar ka mariang

U Myntri ka tnad ka Home Gaurd bad Civil Defence u Ma Coming One Ymbon, myn ha ka 4 tarik u Risaw 2024 u pynbna ba yn hap pynsangeh shwa ia ka jingpynmareh kam ha ka tnad Home Gaurd namar ka jinglong ka mariang haba batai sha ki lad pathai khubor ha Ophis treikam ha Secretariat.
Utei u Myntri u iathuh baroh kito ki samla kiba wan mareh kam bad leh ia ka Physical Efficiency Test ha ka 1 tarik bad 2 tarik u Risaw ha ki kam Sub Inspector bad Guardsmen ha Home Guard bad Civil Defence Directorate la pynsangeh na ka jingslap bad bym biang ka madan.
Na ka Liang u Comingone Ymbon u myntri ka tnad Home Guard & Civil Defense u la pyntip paidbah namar ka jingphone ki samla ba wan aplai kam sha ka jingmareh kam dang step por 6 baje mynstep ka 4 tarik Risaw 2024 u la leit ban leit jurip dalade ia katei ka madan ban iohi ia ka jingshisha ia ka madan mareh kaba don ha Mawdiang-diang.
Utei u Myntri namar ka jingioh jingujor na ki samla mareh bad um kwah ba kan kylla mat dawa bad shah kren shah kynthoh kumba la jia ha kiwei ki tnad sorkar ia ka thungkam thungjam kumta u la shimkhia halor ka jingpyntip haba iadei bad ki Recruitment jong ka Home Guard bad Civil Defense.
u Myntri u la pyntip ba ka jingpynlong ia ka Physical Efficiency Test na ka bynta ki post SI, Guardsmen, Driver bad non Combatance la pynsangeh shwa na ka daw ka jingjur slap bad ia ka tarik ba thymmai yn sa pyntip ha website ynda la sangeh u slap bad yn sa pyntip hadien.
U Myntri uba la iathuh ba ka jingleit jurip la synran da u MK Singh, IPS, Commandant General of
Home Guards and Civil Defence, u Vijay Kumar Mantri, IAS, Commissioner & Secretary,
CDHG, bad ki Ophisar Civil Defence bad Home Guards Department.
Ka jingpynrung
kam katkum ka jingialehkam lyngba ka ha ki kam balait PET 445 tylli 4 tylli ka post SubInspector, 284 kam Guardsman, 17 kam Draibar bad 140 tylli ka Non-Combatant iathuh u Ma Coming.
Haduh mynta ia kitei ka kam balait la ba la dep leh test bad mareh ka dei ha ki ar tylli ki Jaka ha Tura bad Shillong.
Shuh shuh u Myntri u iathuh ki kam ha Home Gaurd bad Civil Defence ki samla ba Aplai ki don haduh 22474 ngut