Ha ka sien ba nyngkong ia Sorkar Meghalaya ban pynlong ia ka jingiakynduh Lang iabaroh ki lad pathai khubor ne ki nongthoh khubor ba ka sorkar ka khot ban iamir jingmut bad ai jinghikai ia ka pathai khubor halor ka mat “Redefining Journalism in the Digital Age,” ka juk mynta.
Ka dei ka khana ia ki lad pathai khubor ha Jylla hadien ki 50 snem tam ba ka sorkar ka kyndut bynriew ban pdiang bad ai jingithuh ia ki kam jong ki nongthoh khubor kiba syniang da ki phew snem.
Ka Sorkar Jylla lyngba ka tnad DIPR ha ka jingialam Myntri ka Dr. Ampareen M Lyngdoh ka la pynkup burom ia ki Nongthoh khubor kiba la slem tam kiba kynthup Philip Marwein, Editor, Trai ka khubor Youth Today, u Subroto Bhattacharjee, Bureau Chief, UNI,u Bah R M Shabong, Editor, U Rupang, u Ma M M Thaiang, Editor, Yutip, Manas Choudhury, Former Editor, The Shillong Times, Sanat Chakraborty, Independent Journalist, Linda Chhakchhuak, Independent Journalist and Sanjib Bhattacharjee, Photographer, The Shillong Times.
Ha katei ka jingpynkup burom u Myntri Rangbah ka Jylla u Conrad K Sangma u la pynbna ban ai jingiarap song pisa ba 1lak tyngka ia kitei ki 8 ngut nongkhusnam na CMSG.
Ia katei ka jingialang la pynlong ha Hotel Taj Vivanta Khyndai Lad Shillong ha kaba la iashim bynta da ki Nongthoh khubor baroh kawei ka jylla bad ki heh sorkar Commissioner & Secretary, Information & Public Relations, Vijay Mantri bad Director, I&PR, Malthus Sangma.
Ha katei ka jingialang la iakren ruh ia ka biang ka bit bad jingmyntoi jong ki lad pathai khubor ba kidei ban ioh.
Ka Sorkar Jylla lyngba ka Directorate of Information & Public Relations (DIPR), mynta ka sngi ka 20 tarik Nailar 2024 ka la pynlong ha ka sien ba nyngkong eh ia ka jingiakynduh lang ki nongthoh khubor jong ka jylla halor ka phang ka jingbatai thymmai ia ka kam thoh khubor ha ka Digital.
Ha kane ka sngi la wan ban don ryngkat da u Myntri Rangbah ka sorkar jylla u Conrad K Sangma, ka myntri ka tnad Information & Public Relations ka Dr. Mazel Ampareen Lyngdoh ki ophisar ka tnad Information & Public Relations ha ryngkat ki Nongthoh khubor jong ka jylla.
Ha kane ka juh ka sngi la pynkup burom ia 8 ngut ki Nongthoh khubor ka jylla kiba la rangbah kiba la noh synniang ha ka kam thoh khubor da u Myntri Rangbah bad ka Dr. Ampareen Lyngdoh.
Ki nongthoh khubor ba la shah pynkup burom ki long U Sanat K. Chakraborty, u Bah Philip Marweiñ, u Bah Monarch Shabong, u Sanjeev Bhattacharjee, u Subroto bhattacharjee, u Manas Choudhary, ka Linda Chakchak bad u Bah Marcus M Thaiang.
Na ka liang u myntri rangbah ka jylla u Conrad K Sangma, u la ong ban ithuh ia ki jingnoh synniang da ki nongthoh khubor bad bynrap, “Kane ka dei ka por ba ngi kum ka sorkar ngi la sngew donkam ban don ia ki prokram kiba kum kine ban ithuh bad ai khublei ia ka jingtrei shitom da ki nongthoh khubor, ka jing ïakynduh bad ïakren ïa ka lynti ban ïaid shakhmat ha ka jingmyntoi kaba kham heh jong ki nongthoh khubor ban pynthikna ba ka tnat kan roi da kaba bud ïa ki kyndon bad ruh ban pynbeit ïalade bad ki jingkylla ha ka juk teknoloji.
U Myntri Rangbah u la ban jur ruh ia ka jingdonkam jong ka jingkynthoh kaba bha kaba long ka rukom kaba koit ba khiah ha ka synshar paidbah. U la bynrap ba ha kane ka juk mynta namar ka jingstad saian ka donkam bha ban buh bud hapdeng ka jingtip bad ka jingmut bad ki khubor.
Ka symbud kongsan ka Dr Ampareen Lyngdoh ka la ong, ka seng ki lad pathai khubor ka peit sha ka sorkar na ka bynta shibun kiei kiei bad ngi sdang mynta ka sngi ban bat kti ia ki lad pathai khubor bad ban peit ia ki lad ki lynti ha kaba ngi lah ban pynbha ia ka jingim bad ka kam ka jam jong ka kynhun ki nongthoh khubor bad ithuh ia ka jingtrei shitom kaba ki nongthoh khubor ki trei