Shillong – U Hehduh jong ka Seng jingiasyllok Salesian u Father Àngel Fernàndez Artime, uba la wan sha Shillong Province ha ka sien ba ar ban wan jngoh ban peit ia Iing riewniam bad kum shibynta ban pynkut ia ka Jingdap 100 snem jong ka jingpoi ha ka Thain Shatei Lam Mihngi. Utei u Hehduh Ki Salesian u la don bynta Lang ha ka Mass Bakhuid ba la pynmynta da u Apostolic Cardinal Nuncio Leopoldo Girelli ha ryngkat Ki Archbishop bad bishop ki Jylla Niam ka thain Shatei Lam Mihngi. Ia ka jingwan U Rector Major ka Seng Salesian (SDB) u Father Àngel Fernàndez Artime, ka dei ban ioh bynta ha ka jingpynkut ia ka Jubilee Sentenari kaba la don ha thain North East India ha Ki lai tylli ki Provincial kata Shillong Province, Dimapur Nagaland Province bad ka Guwahati Province. U Phadar Father Artime u iathuh ba u la wan naduh ka 28 tarik u Risaw bad u la leit Noh myn ha ka Sngi U Blei mar iadep ka Mass Bakhuid. Utei U Khlieh duh ka Seng Salesians jong u Don Bosco u iathuh U Don Bosco, u la synshar ia ka jylla shatei Lam Mihngi lyngba ka Maria Bakhuid. U ài khublei ia ka jingtrei shitom ka Seng Salesian ha ki snem Jong ka jingsdang. Ka jingim jong Ki Salesian ka long ka jingeh hynrei da ka jingieid Jong ka Maria Nongiarap Ki khristan la lah ban jer kyrteng ia Ki Kam bad Ki jinghikai. Ka Seng kaba la wan trei ha Thain Shatei Lam Mihngi naduh u snem 1922. Na ka liang ka Jylla bah Niam Shillong ha ka jingialam Jong u Archbishop Victor Lyngdoh uba la pdiang sngewbha ia ka Sngi Pynkut ia ka Senteneri ka Seng Salesian bad ia U Nuncio jong ka India bad Nepal, U Apostolic Cardinal Leopoldo Girelli ban long u kongsan Mass Bakhuid ha Kalbari Laitumkhrah, ka Cathedral of Mary Help of Christian Parish. Katei ka jingpynkhreh ia ka Jubilee 100 snem ba la sdang naduh ka 28, Risaw 2022, da ka Youth Expo ia kaba la shim bynta da Ki samla na baroh Ki jylla shatei Lam Mihngi. Da Ki phew Hajar ngut Ki khun samla Ki la shim bynta ban sngap ia ka ktien U Blei ba la bsa da u Apostolic Cardinal Leopoldo Girelli. Haba ài jingkren u Nuncio u la ài jingiaroh ia ka Seng Salesian naduh Ki Sngi ba sdang ka 21 tarik u Jylliew 1921 haduh mynta Ki dang iai trei khlem sangeh pynsngew U Nuncio. U ài khublei ia Ki khun Salesian Jong u Don Bosco na ka bynta ki soh kiba bha ha ki jingim mynsiem bad Ki Kam skul kaba long ka Jingshakri Blei bad ia ki briew pynkut u Apostolic Cardinal Leopoldo Girelli. Hadien jong ka Mass Bakhuid u Nuncio u la pynlait paidbah ia ka Kot ba la ai kyrteng “The History of Salesians from 1922 to 2022”
