Shillong, Rymphang 16: U MLA ka Mawlai u Bah Brightstarwwel Marbaniang u la kynmaw ia u Nongialam Radbah ka Jylla uba dei u MLA Barim ka Mawlai bad u Symbud Myntri Rangbah ka jylla. Ia katei ka jingkynmaw burom ia ki MLA ba la khlad noh ka Iing Dorbar Thaw Aiñ ka la kynmaw burom bad u syniang u bynhei ba ki la noh sha jylla. Na ka Liang u bah Brightstarwel Marbaniang uba la ioh ban ia kren ban iapynsngew ha Iing Dorbar Thaw Aiñ ula pynkynmaw ia ki jingnoh synniang jong u Bah SD Khongwir ia ka Jylla bad kum u Rangbah Shnong ba 55 snem jong ka Mawlai Nonglum. U Bah Khongwir ula shakri haduh 5 samoi kum u MLA bad bat ia ki kyrdan bapher bapher ha ka Sorkar bad ha ka imlang sahlang. U dei u Symbud Myntri Rangbah ba nyngkong eh naduh u snem 1978 haduh 1979 bad long biang ha u 1979 haduh 1983, U Bah Khongwir ula shakri ruh ha ka Ministry of Finance ha Delhi bad hadien ula long kum u Asst Revenue Officer hapoh ka Autonomous District Council. U bah SD Khongwir ula khlad noh ha u bnai Naiwieng 2023.
