Ai jingiaroh ka Women’s ka NPP ia ka sorkar jylla ba ka la thung ia ka Kong Idashisha Nongrang kum ka DGP.

SHILLONG, MAY 22: Ka jingkiew ki kam thombor ia ki kynthei bad longkmie, ha Jylla ka kiew bha bad ha kylleng satlak ka pyrthei ka jur bha na ka liang ka Women’s Wing jong ka National People’s Party (NPP) myn ka sngi 22 tarik u Jymmang, kala ai ka jingiaroh ia ka sorkar jylla halor ka jingshim ia ka rai ban thung ia ka Kong Idashisha Nongrang iathuh ka Dr. Jasmine Lyngdoh.
Ka kynhun Women’s Wing jong ka National People’s Party ha ka jingialam ka Dr. Ampareen Lyngdoh bad ka Dr. Jasmine Lyngdoh kiba la ioh iakynduh ia u Bah Prestone tynsong Myntri ka Kam Pohiing ka jylla u la pdiang sngewbha.
Ka Dr. Jasmine ka iathuh da ka jingdon ka longkmie kum ka DGP kan shimkhia bha ha kiba bun ki bynta ha kaba wat ban pynthikna ba kiba leh ia ki kam sniew kin shah kem mardor bad ynshim ia ki sienjam na ka bynta ka jingshngain ki longkmie”
Ka NPP Women Wing pynpaw ia ka jingsngewnguh ia u Bah Prestone tynsong uba khmih ia ka tnad pohiing uba la thung ia ka Kong Idashisha kum ka longkmie DGP ba nyngkong ka Meghalaya, kaba dei ka kyrdan kaba kongsan bad ngi lah iohi ruh ba kane ka sorkar kadei kaba ai ia kiba bun ki kabu ia ki kynthei jong ngi ban pyni ia ka jingtbit ka jongki bad ia mynsiem jong ka jingtrei shitom bad ka jingshngain ia ki kynthei kaba don bha hangne namar ka jingthung kaba kila leh. Kala pynpaw ruh iaka jingshaniah skhem ba ka DGP ba thymmai ka jylla kan shimkhia ha kaban pynthikna iaka shongsuk shongshngain jong ki kynthei ha ka jylla.