Ai khublei burom ba khatduh ia u Symbud Myntri Rangbah barim ka Jylla Bah Standlington David Khongwir,

Shillong, Naiwieng 21 : U Myntri Rangbah ka Jylla Conrad K Sangma bad u Bah Prestone Tynsong ki la leit ai khublei burom ba khatduh ia u Symbud Myntri Rangbah barim ka Jylla Bah Standlington David Khongwir, ha ka Iingsah jong u ha Mawlai Nonglum mar pyrshah ka madan Weiking.
U Myntri Rangbah u la noh Mynsiem sngewnguh ia u Bah Standling, ha kaba ka Jylla kala ithuh ia u kum uwei na ki riew rangbah uba la noh shibun eh ka synniang ia ka constituency bad ia ka Jylla ha kiba bun ki liang.
U Conrad K. Sangma ha iakren iakhana lem bad ki jingioh ia ki jingnang jingtp na u (L) Bah Standling, u Conrad ula ong ba u la ioh ka lad ban iakren, iakynduh bad iatrei lang bad u ha ki snem bala leit noh por ba u dei u Rangbah Shnong ha kaba u la ioh bha ka kabu ban ioh jinghikai na u, bad ban ioh iakren iasyllok ia shibun kiei kiei iathuh u la bynrap.
U Conrad ula kynmaw ruh ia ki synniang jong u kum u Rangbah Shnong haduh 55 snem bad ka jingtreikam jong u na ka bynta ka roi ka par jong ka Mawlai kum u President ka Mawlai Town Dorbar