Ka Iingkashari Meghalaya High Court lyngba U Justice W Diengdoh ha ka 13 tarik Jylliew ka la pynmih hukum ban aipor hynriew taiew ia ka Sorkar Jylla bad ka Harijan Panchayat Committee (HPC)
Ha ka hukum jong ka Kashari u la ong Ki nongiasaid Ain ba mihkhmat ia baroh arliang mamla kila ai jingthoh lang ba ka jingiakren pynbeit ia kane a kam ka dang iaid hapdeng ki arliang mamla ha kaba donkam ban ai por khyndiat khynsoit namar lada ka jingpynbeit ka seisoh, kane ka kam (mukotduma) kan ym don jingmut shuh. La kyrpad ban aipor sa 6 taiew. Buh ban bishar biang ia kane ka kam hadien kata”.
Ka Iingkashari Meghalaya High Court kala aipor hynriew taiew ia ka Sorkar Jylla bad ka Harijan Panchayat Committee (HPC) ba kin pynbeit ia ka kam ba sahteng kaba iadei bad ka jingpynkynriah ia ki 342 tylli ki Longiing na Them Metor, Them Iew Mawlong.
Ha ka hukum bala pynmih da u Justice W Diengdoh ha ka 13 tarik Jylliew la ong “Ki nongiasaid Ain ba mihkhmat ia baroh arliang mamla kila ai jingthoh lang ba ka jingiakren pynbeit ia kane a kam ka dang iaid hapdeng ki arliang mamla ha kaba donkam ban ai por khyndiat khynsoit namar lada ka jingpynbeit ka seisoh, kane ka kam (mukotduma) kan ym don jingmut shuh. La kyrpad ban aipor sa 6 taiew. Buh ban bishar biang ia kane ka kam hadien kata”.
Ha ka 31 tarik Jymmang, ka HPC kala pan por 2 bnai ban thung ia u President ba thymmai ban pynbteng ia ka jingiakren bad ka Sorkar Jylla halor ka jingpynkynriah ia ki Longiing.
U Secretary ka HPC Gurjit Singh ha ka shithi bala phah sha u Symbud Myntri Rangbah ka Jylla Bah Prestone Tynsong ha ka 31 tarik Jymmang, ula ong “Nga la thoh ban kyrpad ia ka jingpynkynriah shuwa ia ka jingialang bala buh ha ka 7 tarik Jylliew, ba iadei bad ka jingshongshnong jong ngi ha Harijan Colony, Bara Bazar, Shillong”.