Aiu ki Sorkar ka pyrkhat bad leh ia ki Chief Justice, Judge ba la shongthait: Dr Celestine Lyngdoh

Shillong – U Dr. Celestine Bom Lyngdoh u MLA liang pyrshah na Umsning konstituensi ha ka Sngi ba 4 jong ka Dorbar Mang Tyngka ha jingsdang ia ki jingbuh jingkylli ia ka Sorkar halor ki jingioh jingmyntoi jong ki Nongbishar bad Chief Justice ba la shong thait.
U Dr. Bom haba buh jingkylli sha ka Dr. Ampareen M Lyngdoh ka Myntri ba peit ia ka Tnad Kam Aiñ “Iathuh kumno ka sorkar ka leh ia ki Chief Justice ba la shong thait kiei ki lad jingmyntoi ka ai?
Na ka Liang ka Myntri haba Jubab ia ka jingkylli na u MLA ka Umsning ba ka Sorkar ka ai ia ka Secretarial Assistance bad ka Domestic Help Allowances.
Na ka bynta u Chief Justice ka long 50,000 tyngka Shibnai, ki Judge pat 40,000 tyngka Shibnai.
Ia kitei ki jingmyntoi ia ki Nongbishar Rangbah bad Nongbishar ka sorkar ka ai ia ka Bai sumar haba pang ka ai lut kat kaba dei ban ai la kiba la shongthait ne kiba dang trei ka long bad ka iaid pat hapoh ka Kyndon Meghalaya Medical Attendance Rules 2021 tang ha ki Hospital ba la ithuh da ka Sorkar Iathuh ka Myntri.