Shillong – Ka Meghalaya Pradesh Youth Congress (MPYC), ha ka jingiatreilang bad ka District Congress Committee, ka Block Congress Committee, bad ka District Youth Congress ki la rah plakad bad pyrta Slogan ia ka Sorkar INDia halor ka jingkiew dor jong ki marbam ba kongsan, khamtam eh ia ka umphniang petrol, diesel, bad LPG gas, kaba la buh ia ka jingeh kaba khraw ha ka jylla.
Ka MPYC ka pynpaw ia ka jingsngewkhia kaba jur pynpaw u Jakgrik Momin, President jong ka District Youth Congress Committee, u la ban jur ia ka jingktah kaba sniew jong ka jingkiew dor jong ka umphniang ha ki bynta bapher bapher jong ka imlang sahlang. Ki nongbylla sngi, ki samla pule, ki nongkhaii rit, bad ki briew kiba duk ki dei kiba shah ktah jur. Ka jingkiew dor jong ka umphniang bad ka umphniang shet jingshet ka la pynjur ia ka jingeh ha ka ioh ka kot bad ka la pynjylliew ia ka jingbym iaryngkat, khamtam ha ki jaka nongkyndong bad ki jaka sor.
U Momin u la pynpaw ba watla ka dor jong ka umphniang ha ka pyrthei ka la hiar bha, hynrei ka sorkar pdeng kam shym la lah ban pynkylla ïa kane sha ka jingpynlait kaba lah ban ïohi na ka bynta ki nongshong shnong. Ha ka jaka kata, ka jingkiew dor jong ka khajna bad ka jingbym don ka jingkitkhlieh ha ka polisi ka la pynlong ïa ka dor jong ka umphniang ban kiew dor bha. U la ong, “Kane ka polisi buh dor khlem da pyrkhat bha ka iehnoh ia ki jingshisha kiba don ha madan kiba ki paidbah ba rit paid ki iakynduh, bad ka sorkar ka dei ban kitkhlieh namar ba kam shym la leh ia ka kamram jong ka ban iada ia ka jingbha jingmiat ha ka ioh ka kot jong ki nongshong shnong jong ka.”
Ka MPYC ka kyntu ia ka sorkar India ban shim ia ki lad ki lynti ban pynbeit kyrkieh bad kiba shai. Ka seng ka khot ban bishar bniah ia ki polisi siew khajna ia ka umphniang, ka jingpynlong ia ka rukom pynbeit dor, bad ka jingbuh hakhmat eh ia ka jingbha jingmiat jong ki paidbah ban ia ka jingsynshar kaba pynshong nongrim ha ka jingmih. Ka seng ka pynpaw biang ba ka jingïoh ïa ki marpoh khyndew kiba kongsan kam dei ka kabu hynrei ka dei ka jingdonkam ba kongsan ban pynneh pynsah ïa ka jingim bad ban pynthikna ïa ka hok ha ka liang ka ioh ka kot.