Shillong, Iaiong 25 : BALEI MO ki jaka pule ha jylla Meghalaya kam don jingshngaiñ shuh, ka jingdonkti ban shoh ia u Assistant Professor jong ka Tnad Hindi ha NEHU ka wanrah ka jingiapher jingmut.
Une u Nonghikai ba kyrteng u Alok Singh ula ujor ia ka ejahar pyrshah ia u President ka NEHUSU Sandy Sohtun bad san ngut kiwei pat halor ka jingkynnoh ba ki shoh ia u hapoh ka Ophis treikam ha ka janmiet 24 tarik Iaiong.
Na ka bynta kane ka Sorkar Jylla ka la shim Ia ka sienjam kaba tyngeh ban pynbiang ia ka jingpahara kaba paka hapoh ka jaka pule jong ka North Eastern Hill University (NEHU) hadien ka jingjia shah thombor uwei u nonghikai iathuh u Bah Prestone Tynsong Myntri ka Tnad Kam Pohiing ka Jylla uba dei u Symbud Myntri Rangbah ka Jylla.
U Bah Prestone Tynsong ha ka sngi Thohdieng u la kular sha ki nongthoh khubor, ba ka Ain kan shim iala ka jong ka lynti pyrshah ia kito kiba donkti ban shoh ia u Assistant Professor jong ka Tnad Hindi ha NEHU.
Ka Sorkar ka la dep bthah ia u Superintendent of Police (SP) bad ki nongpyntrei ia ka ain ba kin pynthikna ia ka jingshngain bad ka jingiada bad ba ka campus baroh kawei jong ka NEHU kan long kaba shngain” ula ong.
, u Bah Prestone ula ong “Balei yn iathuh ia kiei kiei ba ka Sorkar ka leh? Haba la dep ban ai biang ia ki bor pahara. Kumta,ym donkam ban batai bniah ia ka namar ka dei ka kamram jong ka Sorkar ban pynthikna ia ka jingshngain jong baroh-la ki dei ki samla pule, la ka dei ki nonghikai ne dei mano manor uh”.
“Sngewbha wat don ia kano kano ka jing sheptieng naba ia mynta na ka Sorkar, ka la dep pynkhlain ia ki bor pahara bad ngin pynthikna ba baroh kin long kiba shngain kito kiba sah ne kiba leit sha phyllaw ka NEHU”.