Shillong, 16 Naitung 2025 — Katkum ka kyrwoh khubor na U Special Officer ba la thung da ka ïingkashari, u Subhasis Chakrawarty, u la pyntip ba ka jingpynkynriah ïa ki nongdie madan ha Khyndailad kan long katkum ka hukum jong ka High Court.
Utei u Ophisar uba la leit jingialang bad ki bor synshar, SMB, PTVC bad ki nongmihkhmat nongdie madan ba kin sa bteng ïa ka kam pynkynriah bad ka jingai Certificate of Vending (CoV).
Shuh shuh utei u Ophisar u ai jingtip ka jingialang ka dei katkum ka jingbthah hukum ka High Court ha ka 3 tarik Naitung ban shna list ïa ki 349 ngut ki nongdie ba don kot, kiba lah ban die tang ha ki por ba la buh. Ki bym don kot kin ym shah ai lad ban die ha Khyndailad.
Ka ïingkashari ka la bthah ba ki nongdie kin hap pynkynriah sha ki jaka die ba la pynkhreh da ki bor synshar. Ka kaiphod halor kane ka jingpyntreikam yn phah sha ka ïingkashari shuwa ka 5 tarik u Nailar.
Na ka liang ka Angela Rangad ka iathuh ka jingkynriah ki nongdie madan ka dei ka jingpynbeit katkum ka hukum jong Court bad dei ban ioh kiba dei trai ki NONGMEGHALA.
Ha kawei ka liang ka kong Angela Rangad kam hun pat ia ka jingshna bad ai jaka ka Municipal ia ki nongshong dukan.