Shillong – Ka Dorbar Tlang jong ka KHADC ka la kut noh ha ka 22 tarik u Nohprah ha kaba ka liang pyrshah ka la buh jingkylli ia ka liang synshar ia ka jingsiew tulop ia ki nongtrei ka KHADC,kaei ka jingmyntoi bad balei kim ju ioh biang por pynsngew u. bah Teiñwell Dkhar MDC ka Shella Konstituensi. Shuh shuh u Bah Teiñwell Dkhar u dumok ia ka EC u Bah Pyniaid dei ba ki trei jaituh ne balei? Haba pynphai ia ka jubab na u CEM u bah Pyniaid Sing Syiem u iathuh ka long kaba shisha ba ki nongtrei ka KHADC kim ju biang por ban ioh jingsiew namar don ki por ba ka duna pisa ka Council hap ban ioh ka bhah na ka Sorkar Jylla. Shuh shuh u CEM u iathuh ka Council ha I por ba lyngkot ka la ialeh katba lah ban pynbiang ia jingsiew jong ka KHADC da kaba ioh khajna kaba ka Counsil ka ioh lum na ki kam Khaii Khabar.
