Shillong – U Bernard Marak MDC ka Tura uba la shah kem ha ka 26 tarik jong u Naitung, na Hapur district ka jylla Uttar Pradesh, u la lait jamin Noh hadien ba ka Iingbishar jong ka Meghalaya High court, ka la ai jamin noh ia u Bernard Marak.
Utei ,u MDC jong ka Tura bad ha ka juh ka por u nong ialam ka BJP ha ka jylla, u ba la shah kynnoh ba u pyniaid ia ki kam khaïi met ha ka ïingbasa jong u ha West Garo hills district.
Ka hukum ba la ai da ka kynhun jong u nongbishar, ka pyrshah, ha kaba ia u Bernard la khang ban ioh jamin bad set patok beit ia u khlem kino kino ki sakhi kiba bia ng, katkum ka jamin ba la kwah da u para jong u, U Tingku N Marak.
Katkum ka jing kyrpad la shah, ia u Bernard Marak ban ioh ia ka jamin, haba ia dei bad ka mukotduma ba la ujor ha Women Police Tura, kat kum ka case no 107(07)2022, lada ym don shuh kiwei pat ki mukotduma haba ia dei bad kane ka bynta bad ba um dei ban pynduh ia ka jing shisha ki nong sakhi bad u dei ruh ban wan mih ha khmat u investigation officer bad um dei ban leit sha bar ri bad u hap ruh ban siew ia ka jingiateh ba 30,000 tyngka sha ka ïingbishar.
Ka ïingbishar ka la iathuh ruh ba kam don kano kano ka jing pynshisha, ba ka don ka jing thombor ia ki khunlung, hynrei ka jing pyllait ia ki khynnah na katei ka jaka bad ka jing buh jing kylli ia u, ka long kaba donkam bha haba ia dei bad kane ka bynta jong ka mukotduma.
La iathuh shuh ba u Bernard um don kti satia haba iadei bad ka jing thombor ia ki khynnah, katkum ka medical report.
La ong ruh ba ha ka jing khynra, ym shym lap satia ba u Bernard un don lang bad kine ki khynnah bad dei na kata ka daw, ym lah ban shu kynnoh, tang namar ba u dei trai ia katei ka jaka sah.
Na ka jingkem jong ki pulit ia u Bernard Marak halor ka jingujor ba kawei ka khynnah kaba la jah na iing la shitaiew ei ei khlem wan phai iing ia kane la ujor sha police station jong ka Tura ba dei peit da ki kynthei bad la kynnoh ba kane ka khynnah kala shah leh beijot la shitiaew, halor kane la register ia ka ejahar ha ka Tura Women PS Case No. 24(02)2022 u/s 366A/376 IPC r/w 5/6 POCSO Act bad la sdang ia ka jingtohkit.Ha ka jingkem jong u Bernard Marak da pulit jong ka West Garo Hills District ka dei ba kila leit ban khynra ia ka iing basa bala ong ba dei trai da u Bernard N Marak, ha kane ka jingleit khynra kila ioh ban rah 73 ngut ki briew bad la kynnoh ba ia ka jaka la pyndon kam kum ka jaka ialeh awria.
Ka Kam jong ki pulit jong ka West Garo Hills District la batai ba ha ka 28th Lber 2022 ki pulit kila ioh ia ka jingujor ba kawei ka khynnah kala jah na iing la shitaiew ei ei ia kane la ujor sha police station jong ka Tura ba dei peit da ki kynthei bad la kynnoh ba kane ka khynnah kala shah leh beijot la shitiaew, halor kane la register ia ka ejahar ha ka Tura Women PS Case No. 24(02)2022 u/s 366A/376 IPC r/w 5/6 POCSO Act bad la sdang ia ka jingtohkit.Ha ka jingshim ia ka jingkren hapoh ka kyndon jong ka 164 CrPC, ka kynthei kaba la shah rah ba ia ka bad ia ka paralok jong ka la rah sha ka jaka ba dei trai da u Rimpu ha kaba kila shim kawei ka kamra bad kila leh ia ka kam beijot la bun bunsien, nalor kane kala don bun sien ka jingujor na ki paidbah ka Tura, na ia katei ka jaka la long trai da u Bernard N Marak bad la tip kum u Rimpu ba dei ruh u dkhot ka iing dorbar jong ka GHADC.
Ki pulit jong ka West Garo Hills kila don ki jingthoh hapoh thanad ba ki don palat ia ka 25 tylli ki kam sniew pyrshah ia u Bernard ba la tip kum u Rimpu naduh u snem 2000, halor kine ki jingujor ki pulit kila leit ban khynra ia katei ka jaka ha ka 22th Naitung 2022 haka por 6 baje jan miet bad la pyndep ia ka jingkhynra haduh por 5 baje mynstep. Kane ka jaka ka don ka iing kaba lai mala bad 30 tylli ki kamra bad dei ha kane ka jaka bala suba bala leh beijot ia ki khynnah.
Ha kane ka jingleit khynra ki pulit kila ioh ba bun ki khynnah samla kynthei bad shynrang ki ia dih bad don kiba khlem jain khlem nep ha met jong ki kiba ia shong ha ki kali jong ki bad ki pulit kila rah ia baroh 68 ngut ban kylli jngkylli bad don kiba la phet ruh namar ka jingdum, ha kane ka jingleit la rah ruh ia u nongpeit ia kane ka jaka bad lai ngut ki nongtrei.
Ia ka jingkhynra ia kane ka jaka la sa khi lang da ki riew paidbah, ha kane ka jingkhynra ia katei ka jaka la lap ba don 36 tylli ki kali, 47 tylli ki mobile, 168268 litter ka kyiad phareng, bun phew tylli ki Nirod 500 tylli la ioh ban kurup bad kiwei kiwei ki kot ki sla kiba ia dei bad katei ka jaka, na ki kitei ki kali 27 tylli, Socty 2, Bike 8, Auito Rickshow 1, la kurup ruh ia ka kot thoh kyrteng bad u Mikson Sangma u don kyrteng haduh hynniew tylli, la ioh ban kurup T.30000/- tyngka ka pisa.
Kaba pynlyngoh shuh shuh ia ki pulit ka long ba la lap na kawei na ki kamra ba la shah set ha kamra san ngut ki khynnah 4 ki khynnah shynrang bad 1 khynnah kynthei, kine ki khynnah ki don ha pdeng ka jingting bad kim lait shuh ban kren ia kine ki khynnah la aiti noh sha ka District Child Protection Officer (DCPO) ban sumar ia ki bad ban leh ia kaba don kam.
