Shillong – Ia Ka Iing Mane jong ka CMC Mawiong ka Jylla Niam Bah Shillong mynta ka la kyntiew kyrdan sha ka Shnat Niam kumba long kiwei pat ki shnat kiba lah don ka bor ban don ki Nongsharai Ràngbah.
Mynta ka Jylla Niam Bah Shillong kka la jer kyrteng thymmai ia ka Shnat Niam Mawiong kum “Ka Maria ka Syiem U Rosari Bakhuid ia kaba la pynbna da u Archbishop Victor Lyngdoh myn ha ka Sngi Plie ia katei ka shnat niam ka 24 tarik u Lber.
Ka Mawiong tad haduh ka 23 tarik u Lber 2024 ka dei ha ka Shnat Niam Mawlai naduh ka 24 tarik u LBER ka la ioh ia ka suit ka shor da ka kyrteng thymmai da u Archbishop Victor Lyngdoh ha ka Kñia ka Khriam ia ka la synran lang da u Sohblei Nongsharai Ràngbah ka Shnat Niam Mawlai bad ki lyngdoh sohblei baroh.
U Archbishop Victor Lyngdoh ha ryngkat ki paid u Blei kiba shim bynta ha ka Mass Bakhuid kaba dei ka Sngi U Trai Sla Tlai uba la pynmynta ia ka Mass pynbna ba la ai kyrteng thymmai.
U Archbishop Victor Lyngdoh haba ai jingpynbna kum kongsan bad aiti ha u Sohblei Richard Manbha Majaw Vicar General ka Jylla Niam Bah Shillong ban pynbna ia ka Dulir treikam bad ki pud ki sam jong ka Shnat Niam thymmai.
U VG ka Shillong Archdiocese haba pule paidbah ia ka Dulir ia ki pud ki sam jong ka Shnat Niam Mawiong ka iatakhuh bad ka Shnat Niam, Mawlaingut, Mawprem Mawlai bad Umbir.
Ki shnong kiba ha ka jingsynshar jong ka Shnat Niam Mawiong ki long ia ka CMC Nongkwar Mawiong, Umjajew, Umthlong bad Umjapung.
Ka Shnat Niam Mawiong la shimti da ki phadar Trai RI Iathuh Archbishop Victor Lyngdoh u la thung ia u Sohblei Alfred Lyngdoh Nongbri kum Nongsharai Rangbah Nyngkong.
U Archbishop Victor haba pynkupbor ia u Sohblei Alfred Lyngdoh Nongbri uba la duwai kyntang ryng kat ka kylli ka pyrthew ia ne u Nongsharai bathymmai ryngkat ka jingduwai ban phla ia ka jingngeit jong ki Apostol. Kumba dei ka bynta ka Balang ban pynkhamti bad ai bor ia ki lyngdoh sohblei; u Sohblei uba la khlei ka jubanlak da kaba kular ban bud ryntih ia ki dulir ba la ai da ka Jylla Niam ryntih ban iatrei lang iatei ia ka Balang bad u Khlieh ryngkat bad ki Paid U Blei.
Haba pynkupbor shuh shuh u Bishop Victor Lyngdoh ban pynskhem ia kane ka kam kumu Nongsharai u ia lam ia u Sohblei Alfred Lyngdoh Nongbri ban dohieid ia ki sawdong jong Duwan bad ka kam ban shong ha Khet Jingphla.
Ka kam ba kyntang tam jong ka jingpynkupbor ia ki nongsharai Shnat Niam ka dei da u Lyngdoh Sad u aiti ia u Shabi jong ka Taberkle ka jaka ba shong ba sah ka Met bad ka Snam Jong U Khrist ba la la dep pynkyntang.Hadien ka jingpynkupbor na ka liang u Bishop ka Jylla Niam Jowai u la ai ki kot dulir bad ka jingiasoi ia ka Sakhi Satar hapdeng ka Parish Council u Nongsharai Banyngkong.
U Archbishop Victor Lyngdoh hadien ka jingpyndep ia ka deiti lehniam u la Plie ia u Mawnongrim, ka jingpynher ia ki balun bad ka jingot ia u Kiek.
