Shillong, 20 Nailar 2025 – U Myntri ka tnat Art & Culture bad u Symbud Myntri Rangbah ka Jylla, u Bah Paul Lyngdoh, u la ong ba ka jingwanrah ïa ka Territorial Army ha ka jylla Meghalaya kan long ka jingkyrkhu bad ka jingmyntoi ïa ka jylla bad ki paidbah.
U Bah Lyngdoh u la pynpaw ïa ka jingai jingmut ba ka Territorial Army kan long kum ka lad ban ïarap ha kiba bun ki bynta, khamtam ha ka jingpynneh pynsah ïa ka mariang, ka jingpyniaid jingïa khun pyrshah ïa ki jingeh kiba ktah ïa ka imlang ka sahlang bad ruh ban ai ka jingïarap sha ki paidbah haba don ki jingïapher jingmut ne ki jingjia ba kyrkieh.
U la ong ruh ba ka Territorial Army kam dei tang ban peit ïa ka jingïada hynrei kan long ruh ka lad ban pynïeng ïa ki samla ha ki kam ba kyntiew ïa ka roi ka par, nalor ka jingïarap ïa ki bor sorkar ban tehlakam ïa ki jingjia kiba ktah ïa ka shongsuk shongshngain.