Ka jingiakhieh bad jingdawa ki khynnah pule ka ri Bangladesh kaba la sdang naduh ka 5 tarik mynta u bnai bad iai bteng tad haduh mynta kala nang khlaiñ bad nangpur sted shuh shuh sa ha kiwei pat ki bynta jing katei ka ri ha kaba mynin ka 15 tarik da ki spah ngut ki khynnah pule katei ka ri kila poi sha hospital namar ka jingialeh pyrshah bad ki pulit kiba la pyrshang ban tem ka jingtur jong kitei ki khynnah pule sha ki bynta ba don ki jaka trei kam jong ka sorkar Bangladesh kaba la pynlong ia ki pulit ba kin pyndonkam ban siat ia da ki tiar pyn sad bad kiwei kiwei de ban tem iaka tei ka jingtur ki khynnah pulit bad la don ruh katto katne na ka liang ki pulit kiba la mynsaw. Tad haduh mynin ka sngi naduh Bala sdang ia katei ka jingiakhieh bun ngut ki khynnah pule kila pynlong jaka sah miet ha kitei hi bynta Bala pynlong jingiakhieh kaba don hajan jong ka Jahangir University ha Savar kaba hap hapoh ka nongbah Dhaka. Ka daw tynrai ba kitei ki khynnah pule jong ka ri Bangladesh kila pynlong jingiakhieh ka long ban kila dawa na ka Sheikh Hasina kaba dei ka Prime minister ka ri Bangladesh ban dawa ba dei ban weng noh ia ka Quota System Bala pyntrei kam ha ka katei ka ri naduh Bala ka ioh ioh ia ka jinglaitluid namar ki ong ba ka tei ka aiñ kala rim bad kam iahap shuh bad kane ka juk ba ki mynta. Khyndiat shaphang katei ka aiñ ka long Ba naduh ba ka ri Bangladesh ka ioh ban shynshar laitluid hi naduh u snem 1971 kala pynkhamti da katei ka quota System Kum ka jing sngew burom ia kitou ki shipai Bala len lade bad Bala don bynta ha katei ka jingialehthma ba ki khun jong kitei ki shipai ne kiba ha ing jong ki kin ioh da ka bhah thung kam ba kyrpang na ka sorkar kaba la pynskhem da Awami league Party kadei ka party ha ka jingialam u kpa jong ka Sheikh Hasina kata u Sheikh Mujibur Rahman ha kitei ki snem jong ka jingia khun ban ioh laitluid noh la ka jong ka ri ha ka jingiarap artad jong ka ri India.Ha u snem 2018 la pyn sangeh shwa shipor ia katei ka quota System hapoh ka ri Bangladesh hynrei dei u snem kaba dei artad mynta jong u bnai July baka Bangladesh High Court kala pynmih ia ka hukum ba kumba Laiphew percent dei beit ban mang kyrpang na ka bynta kiba haing hasem jong kitei ki shipai Bala don bynta ha katei ka jingialeh laitluid kaba la pynlong ia ki khynnah pule ban ym Pdiang ia katei ka hukum namar ki Ong ba kala dei ka por ban iakhun beit mar kajuh kum ki briew jong ka ri la ha Kano Kano ka bynta ruh khamtam ha ka wad kam wad jam naba Kum ba ngi tip ba Kari bangladesh mynta kumba ka don kumba 2.million tam ki samla katei ka ri kiba im ha ka jing bym don kam don jam.
