Dang ban thlieh ia u Mawsiang bad ia ka Dohnud h Director NEIGRHIMS wat ia ki MLA MP UM KHEIÑ

Shillong 02 Jymmang: U Mawsiang u dang pait lada thlieh hynrei dohnud jong u Director u Dr. Nalin Mehta jynjar ban pynpait wat lada ka KSU ka la leit thiah miet da ka jingiakhih paidbah hakhmat ka ophis jong ka NEIGRHIMS.
La iaid ar sngi ka jingiakhih khlem kyndeh u klong snam jong u Director ia kaba um shym la sngap wat ia ki MLA ne ia ka sorkar jylla kumba paw ha ka jingkren jong u General Secretary ka Khasi Student Unions u Samla Donald V. Thabah haba kren sha ki lad pathai khubor ha Jaka iakhih. U samla Donald u la pynpaw ruh, ba ka jingleh jong u Director ka NEIGRHIMS, kalong kumba um kheiñ snem ia ki nongmihkhmat ka jylla, namar hadien ba ka seng ka la phah tuklar ia u MP ka Shilliong Parliamentary Konstitwensi ruh um shem la ai jubab satia.
Ka Khasi Student Union (KSU) ka ba la shong iakhih kyllaiñ mungor ha khmat ka ophis u Director ka NEIGRHIMS u Dr. Nalin Mehta ban dawa Pynurlong ia ki mat jingdawa ba ka seng ka ladep ban buh ha ki bnai ba ladep, halor ban pynbeit ia ka rukom thungkam thungjam ha katei ka jaka ai jingsumar iathuh u Samla Donald V Thabah.
Ka KSU ryngkat ki plakad ban pynrem jur ia u Director ka NEIGRHIMS, Hospital, u bym shem la suitniew ia ki mat jingdawa jong ka seng.
Ba ka jingthungkam thungjam mynta hapoh NEIGRHIMS, kalong lymmuh bad ki ba ioh ia kam ruh shibun dei ki Nurse Shynrang ki na dei na bar jong ka Jylla.
Ka jingdawa ka seng ia ka thungkam thungjam, ka ba 80% na ka 100% ia ki Nurse Kynthei bad 20% pat na ka bynta ki Nurse Shynrang iathuh u Secretary.