Shillong 22 tarik Jymmang – Ka kam rep ha jylla la donkam ba ki paidbah ban nang kyntiew lyngba ki khun ki kti jong ki namar ka por ka la palat la dei ban iarep bad shim kum ka kam kaba pynmih jakpoh.
Na ka liang u lad pathai khubor u wanrah ia kawei ka khubor jong kawei ka longiing kaba rep jhur bun jait khamtam u jhur Phul kubi rong jyrngam.
Kawei ka longkmie ka Kong Magrisha Kharkongor kaba don 11 ngut ki khun bad ba shong basah ha Mylliem Mawpynthih East Khasi Hill ryngkat bad u kurim jong ka kidei kiba im da kam rep jhur kiba bun jait ba ki rep.
Katei ka longkmie ka dei ka nongrep kaba khlaiñ bha ban rep bunjait ki jhur hapdeng ki jhur khasi ba ju rep paidbah bha ha Jylla Meghalaya mynta ha ki lai snem ba la leit ka la pyrshang ban rep ia u Phul jyrngam uba tip kum u “Broccoli” Ia ki mar rep ba ka thung kam just ai dawai satia tang da ka sboh masi ne sboh sniang ka pyndonkam.
Haba ioh ban iakren bad katei ka longiing ki iathuh
Ha Jylla Meghalaya dang duna ki nongrep ban iarep ia utei u phul jyrngam.
Na ka liang katei ka longiing kaba la pyrshang ban rep ka shem ka long ka jingmyntoi bad u mihbha kumta ka la pynroi bad pyniar ia katei ka kam rep jhur bad ki khun ki iarap lang ryngkat ka jingbuh ki nongtrei ban puh ban daiñ.
Ka kong Magrisha ka iathuh ha jingim nongrep naduh ba la hikai ki kmie ki kpa ka la im bad pynleit jingim tang ia ka rep namar ka sngewthuh tang ka kam kaba donkam tam ia u briew ban im ba un iohbam.
Haba bynrap ka kong Magrisha ka jingrep jong ka dei namar ka iohi ba ka jingbylla jong ka sha iewduh ban die jhur kam don jingioh nong namar la shah khñiot ia ka dor bad bym biang bha ka dor ka mur kumta ka la sdang ban duriap da ka rep na ka bynta ban kyrshan ia ki khun ban leit.
. Shuh shuh ka iathuh wat lada don ki khun ruh kam ju shong thait ka hikai lang ia ki khun ban tip ia ka rep namar ba ioh bam.
Hynrei ka jingkwah jong ka kong Magrisha ka long ban ioh la ka lum rep lajong ia mynta ka shu wai ia ka lum jong ki briew.
Mynta katei ka longkmie ka dei ka briew kaba trei minot bha dang step phyrngap ka la poi sha lum bad la ka khoh u star u Mohkhiew ban thung ban tep ha kapor shiteng sngi ka khreh ka khrum ban kit ki jhur ban leit die sha iew Jail Road man ka sngi.
Ka iathuh ha jingrep jong ka iing ka sem jong ki, kim pat ioh symbai na ki bor sorkar hynrei ki shu thied na iew.
Mynta katei ka longiing ki phai khmat ban biang ba bit ka rep ka riang bad ka iew ka hat ryngkat ka dor ka mur
Khadduh ka kong Magrisha Kharkongor ka ai mynsiem ki samla pule kiba la pule kham shajrong ban shim ba ka dei ka kam kaba kordor ban ia ka kam sorkar. Ka kam rep ka dei ka kam ba kordor tam bad ba khrawtam ban nym lah ban nujor ia kiwei kam.