Shillong: Hadien ka jingiakhih jong ki nonghikai skul Adhoc halor ka jingdawa ban kyntiew ia ka tulop jongki, mynta ka sngi sa ki nonghikai skul SSA hapoh ka shatri Meghalaya Sarva Shiksha Abhiyan School Association (MSSASA) ki la leit iakynduh ia u Myntri ka tnad pule puthi bah Lahkmen Rymbui na ka bynta ban mang tyngka kham bun na ka bynta ki nonghikai skul SSA.
Na ka liang jong u President jong ka MSSASA, U Bah Aristotle Rymbai u la ong ka sorkar ka la dei ban mang tyngka kham bun kata katkum k akyndon 7 (5) jong ka Right to Education ACT 2009, khnang ban ym mih jingeh kumba la jia ha u snem 2021-22 bad kumjuh ruh ban kham pynbh aha ki rukom hikai ha ki skul SSa.
Ki nonghikai SSA ki la dawa ruh ban kyntiew tulop, ban pyllait noh ia ka tulop ka bym pat siew sha ki nonghikai bad kumjuh ruh ban ai noh ka jingithuh na ka bynta jongki.
Halor kitei ki jingdawa jong ki nonghikai skul SSA na ka liang jong u myntri ka tnad pule puthi ba Lahkmen Rymbui u la kular ba un sa iakren bad u myntri Rangbah ka jylla u Conrad Sangma.