Ha Iing Dorbar Thaw Aiñ ym ioh lad ban kren ia ka jingkiew dor ki marbam hap mih Surok ban kren ka dei ka mat jong ka Seng Saiñ pyrthei ka Voice People Party ha ka jingialam u Bah Ardent Miller Basaiawmoit President.
Ia katei ka jingmih madan jong ka VPP ban pyrshah ia ka jingkiew dor ki marbam la pynlong ha Madan Phutbol Malki mynta ka sngi thohdieng ka 13 tarik nailur 2024, ka la mih madan ban iakhih da ka ba shong.
Ka VPP kaba la mih madan namar ka Sorkar MDA bad ki MLA kiba don ha ka, ki la pynkbum ia u Prah ban kren bad pynsngew paidbah hapoh ka iingdorbar thawain ka jylla ha ka ba iadei bad ka jingkiewdor ki marbam mardih ha ka jylla.
Na ka Liang u president ka seng u bah Ardent Millair Basawiamoit u iathuh kalong ban pynsngew sha ka sorkar jylla ba balei ki marbam mardih ki kiewdor lut mynta bad ban pynpaw ka jingsngewkhia ha ka ba iadei bad ka jingkiewdor ka ba la palat put ka ba la ktah ia ki ba duk ki ba suk.
“Ngim lah ban len ba ka jylla Meghalaya ka don shibun ki khyrdop lum khajna, ki khyrdop lum khajna jong u Syiem, ka District Council, ki pulit ki ba ia ienglain ha ki lynti bad don shibun lehsekidaw ba pynlong ki marbam mardih ba kin kiew bad dei na kata ka daw ka seng ka kwah ban iakren bad ka sorkar bad ka sorkar kan wad bha, ong u bah Ardent”.
U bah Ardent u la ong, ba haba iakren bad ka jingkiewdor ngi sngewsynei ia ki nongrep namar ki nongrep haba ki die ia ki mar bunsien ki die ha kador ka ba tad katba mangi pat ki nongthied ngi thied ha kador ka ba rem.
U la ong ruh, na kane ka jingiakhih jong ngi kadei ka mad ban iakren bad ka sorkar khnang ba ka tnad ka ba peit ia ka Food And Civil Supply, kan shem bad pyntikna, ba kaei ka ba ngi shem bad ngi lap ba kimar ki mata ki ba ka sorkar ka la buh da ka dor, hynrei ka sorkar kam shem la buddien. Ka daw tynrai hi kadei ka jingbymlah ka sorkar ban shimkhia ban tehlakam ia ka jingkiewdor ki marbam mardih ha ka jylla jong ngi.