Shillong, 30 Naitung 2025:
Ka Working President jong ka Meghalaya Pradesh Congress Committee (MPCC), ka Deborah C. Marak, ka la ai jingkren sha ki lad pathai khubor mynta ka sngi halor ka jingrisaiñ jong u MLA ka Mylliem, u Bah Ronnie V. Lyngdoh, bad ka jingsngew khia halor ka jingpyniasoh jong u sha ka National People’s Party (NPP).

Ka Deborah Marak ka ong ba kane ka jingphet seng jong u Bah Ronnie ka long kaba sngewsih bad ka pyni ruh ba ki don ki riew saiñ pyrthei kiba pynkylla ia ka jingïadei ha ka saiñ hima sima tang na ka bynta ka myntoi shimet. “Ka Congress ka ïai don ha ka nongrim, bad kiba mih na ka seng kadei namar ki kwah ban bud ïa ka lynti ka suk ban ioh ka kyrdan ne ka jingmyntoi shimet,” ong ka Marak.

Ka la kynnoh ruh ba ka NPP ka dang bteng ban pynbiej ïa ki nongialam da ki lad kiba ym long ha ka jingiatip paidbah. “Ki paidbah ka jylla Meghalaya ki ïohi bad ki tip bha ïa ki kam kiba la jia bad kin ai jubab ha ka por kaba biang,” la bynrap ka Marak.

Please Share this news

Leave a Reply

Your email address will not be published. Required fields are marked *