Shillong: Naiwieng – Ka Seng Congress ha Meghalaya, kan pynieng kyrtong baroh 60 ngut ha ka Iing Dorbar Thaw Ain ka Jylla iathuh u dkhot ka ïingdorbar Parliament (M.P) jong ka Lok Sabha, ma Vincent H Palaha bad u President ka Meghalaya Pradesh Congress Committee ha ki lad pathai khubor myn ka 14 tarik u Naiwieng ha Ophis Treikam ka Seng Congress Bhavan. U bah Pala u iathuh ha ka jing ialam jong u ka Congress kan iakhun dohiap ba ka parti Congress ha kane ka kynti ba mynta ruh kan ioh jingjop kam pher wat ka don ka jingtynjuh ia ka seng. U Bah Pala u iathuh ka parti Congress, ka la ioh haduh 57 ngut ki kyrtong na kine ki 60 tylli ki kontitwensi, ha kaba ha ki lai tylli ki kontitwensi, ka parti ka dang hap ban peit bniah shwa ia u briew u ba biang tam ba kan ai tiket. U President u la bynrap ka parti hi, ka sdang ban kiar ban pynbna paidbah haba ia dei bad ka jingrung jong ki katto katne ki nongialam sha ka parti, namar kumba long hi mynta ki duna bha ki nongialam ba pawkhmat ne ki riew rangbah ki ban rung sha ka parti Congress, hynrei ka jingmih pat ki nongialam na kawei ka sngi sha kawei pat ka jur bha ha ki kontitwensi, ki distrik wat ki nongialam jong ka jylla ruh kumjuh. Ka jingbatai jong u bah Pala ia ka jing shah thied noh jongki katto katne ki kyrtong kiba ka parti Congress, ka la dep ban rai ba kin iakhun na ki katto katne ki kontitwensi, ha ka elekshon ban wan. Kum kine Kiba shah thied ka shong ha ki paidbah ban bishar, u Pala u la ong ruh ba kiwei ki parti kim don ki briew ki ba biang ban long ki kyrtong ban iakhun ia ka elekshon ban wan ha u snem 2023, hynrei ki don pat ka pisa ban thied ia ki katto katne ki kyrtong kiba ka parti Congress, ka la rai ban pyniakhun ha u snem 2023. Kane ka jing ong jong u bah Pala ka lah ban dei hadien ba u bah Kansing Lynshiang, u wei na ki nongkitkam ba trei shitrhem bha ha ka thaiñ Mawkynrew konstitwensi, uba ka parti ka la pynbna ruh ba un iakhun na kane ka parti, hynrei hadien katto katne por u la resaiñ noh na ka parti Congress ban leit iasoh pat sha ka parti National Peoples Party (NPP) ban long ruh u kyrtong jong ka NPP na Mawkynrew konstitwensi ha ka elekshon sha ka ïingdorbar thawaiñ ka jylla ha u snem 2023.
Shillong: Naiwieng – Ka Seng Congress ha Meghalaya, kan pynieng kyrtong baroh 60 ngut ha ka Iing Dorbar Thaw Ain ka Jylla iathuh u dkhot ka ïingdorbar Parliament (M.P) jong ka Lok Sabha, ma Vincent H Pala ha bad u President ka Meghalaya Pradesh Congress Committee ha ki lad pathai khubor myn ka 14 tarik u Naiwieng ha Ophis Treikam ka Seng Congress Bhavan.
U bah Pala u iathuh ha ka jing ialam jong u ka Congress kan iakhun dohiap ba ka parti Congress ha kane ka kynti ba mynta ruh kan ioh jingjop kam pher wat ka don ka jingtynjuh ia ka seng.
U Bah Pala u iathuh ka parti Congress, ka la ioh haduh 57 ngut ki kyrtong na kine ki 60 tylli ki kontitwensi, ha kaba ha ki lai tylli ki kontitwensi, ka parti ka dang hap ban peit bniah shwa ia u briew u ba biang tam ba kan ai tiket.
U President u la bynrap ka parti hi, ka sdang ban kiar ban pynbna paidbah haba ia dei bad ka jingrung jong ki katto katne ki nongialam sha ka parti, namar kumba long hi mynta ki duna bha ki nongialam ba pawkhmat ne ki riew rangbah ki ban rung sha ka parti Congress, hynrei ka jingmih pat ki nongialam na kawei ka sngi sha kawei pat ka jur bha ha ki kontitwensi, ki distrik wat ki nongialam jong ka jylla ruh kumjuh.
Ka jingbatai jong u bah Pala ia ka jing shah thied noh jong ki katto katne ki kyrtong kiba ka parti Congress, ka la dep ban rai ba kin iakhun na ki katto katne ki kontitwensi, ha ka elekshon ban wan.
Kum kine Kiba shah thied ka shong ha ki paidbah ban bishar, u Pala u la ong ruh ba kiwei ki parti kim don ki briew ki ba biang ban long ki kyrtong ban iakhun ia ka elekshon ban wan ha u snem 2023, hynrei ki don pat ka pisa ban thied ia ki katto katne ki kyrtong kiba ka parti Congress, ka la rai ban pyniakhun ha u snem 2023.
Kane ka jing ong jong u bah Pala ka lah ban dei hadien ba u bah Kansing Lynshiang, u wei na ki nongkitkam ba trei shitrhem bha ha ka thaiñ Mawkynrew konstitwensi, uba ka parti ka la pynbna ruh ba un iakhun na kane ka parti, hynrei hadien katto katne por u la resaiñ noh na ka parti Congress ban leit iasoh pat sha ka parti National Peoples Party (NPP) ban long ruh u kyrtong jong ka NPP na Mawkynrew konstitwensi ha ka elekshon sha ka ïingdorbar thawaiñ ka jylla ha u snem 2023.