U Bah Commander Shangpliang uba dei u nongpynmih phlim Khasi bad kumjuh ruh u Nongialam jong ka Hill Farmers Union u la ban jur halor ka jingdonkam ban leit skul bad khamtam ban don ia ka jingnang jingstad na ka bynta ka lawei ba phyrnai.
Haba kren ha ka jingialang kynmaw burom ia ka sngi iap jong u Syiem jong ka Hima Nongkhlaw U Tirot Sing Syiem ba la pynlong da ka Bey Academy Mawlai Mawtawar Laitlum u la kyntu ruh ia ki samla pule ba kin don ia ka mynsiem iakhun ban thoh ia ki eksam bapher bapher kiba dei na ka bynta ban ioh kam ioh jam kum ka eksamin IAS, IPS, MCS bad ki exkam na ka bynta ki kam sorkar bapher bapher ha ka sorkar India bad sorkar jylla ruh kumjuh.
Shuh shuh u bah Shangpliang u la pynpaw ia ka jingsngew donkam ban don kham bun ia ki IAS kiba dei na ka jylla lajong da kaba ong ruh lada bun ki IAS na ka jylla lajong kin sngewthuh khambha ban ai ka jingshakri kaba kham bha ia ka jylla baroh kawei.
Ha kawei pat ka liang u la kyntu ia ka sorkar ba kan buh ia ki coaching center ha man la ki District ha ka jylla khnang ba kin samla kiba don jingthmu ban iakhun ia ki competitive eksam bapher bapher kin lah ban leit pyntbit shuwa ia lade ha kine ki center. U la kyntu ruh ia ki nonghikai ba kin btien lynti ia ki khynnah skul ha ki sap kiba ki khynnah skul ki don.