Shillong – Ka Shillong Press Club ka la phah ka jingsngewlem ia u nongthoh khubor ha ka jylla na West Khasi Hills District, Nongstoin. Ka Shillong Press ha jingialang kaba rit kaba la pynlong ha Shillong Press Club myn ha ka 23 tarik u Nohprah ha ka Jingialam u Bah David Laitphlang President. Na ka liang ka SPC ka la pynpaw ka ka jingduh kaba khraw ia ki para nongthoh nonglum khubor ia ka jingkhlad u Bah Ronaldstone Syiem, u nongnoh synniang ïa ka kot khubor phareng ha ka nongbah Shillong kaba la tip kum ka “The Shillong Times” naduh ka snem 2008, kumjuh ïa ka kot khubor khasi ka “Kynjatshai Man Ka Sngi” bad u ju ïa don bynta ruh bad ka “All India Radio”. Shuh shuh ka SPC ka phah kyrwoh sngewlem ia I kurim bad I khun kumjuh ia baroh kiba don jingiadei. Une u rangbah u trei ïa ka imlang sahlang hi baroh kawei khamtam ha ka thaiñ West Khasi Hill uba la shakri ïa ki paidbah katei ka thaiñ mynta la kumba 15 snem. Ia ka met jong u Bah Ronalstone Syiem yn pyndep ïa ka jingleit ontep don burom ïa ka met basah jong u Bah Roanald kan long ha ka 24 tarik u Nohprah ha u Lum jingtep ka Balang Presbyterian. U Bah Ronald u shong u sah ha ka shnong Upper New Nongstoiñ WKHD bad u la khlad noh ha ka rta ka ba 37 bad u la ïehnoh shadien ïa i kurim i kong Ba-ailang Lyngdoh Nonglait bad uwei u khun shynrang u heprit Lathan Lyngdoh Nonglait u ban sa dap 4 snem .
