Shillong – Ka Seng Jingiasyllok Sister Salesian jong u Don Bosco ne FMA Bellefonte ha ka jingialam ka Director jong ki khynnah rit ha Jylla ka Sister Helen Puweiñ ka la lum ia ka lympung ki khynnah baroh ka jylla ha ka Shatri ka Children’s Parliament ban iathir ban iawoh halor ka bha ka miat jong ki khynnah ia kaba la pynlong ha Bellefonte Lumshyiap myn ha ka 30 tarik u Kyllalyngkot. Ka Mat jong katei ka Children Parliament ka dei “Ka Sur ki Khynnah”kaba dei ka FMA OUTREACH FOR UNPRIVILEGED WOMEN AND CHILDREN. Ha jingiatai ia ka lympung iathir jong ki khynnah ka jylla kiba la wan naduh Saphai, West Jaiñtia Hills, District, Khliehriat East Jaintia Hills District bad South West, Khasi Hills District ha kaba Iadei ia ka jinglong kitkhlieh ki khynnah rit ha ka Imlang ka Sahlang. Shuh shuh haba ioh ban ai ia ka pasoh ia ka parliament ki khynnah ka Sister Helen Puweiñ ka iathuh ka thong bad ka jingmut ki khynnah ban hikai ban tip KUMNO ban long ku nongialam ha ka kam saiñ pyrthei.U Prof Albert Nongrum, u la long kum u nongiaphylliew ia ka mat phang pdeng ba la buh. U pashat ia ka jingïapait jingïapra ha ing ha sem. Bad u la ong ba ka daw jong kane ka dei na ka daw ka jingshongkha khynnah. Kumjuh ruh u la ong ba ka long ka ba kongsan ban ai jinghikai bha ia ki khynnah ba kin iaid ha ka lynti ba beit, ba kin lah ban lai na ki ba bun ki jingsniew ba ha kine ki sngi…
