Shillong, 6 Nailar 2025 —Dang shen ka Khasi Hills Autonomous District Council (KHADC) ka dang dep pynlong Ia ka Dorbar Mang Tyngka ia kaba la wanrah da ka EC ba la lamkhmat da ka VPP.
. Ha ka mang tyngka ba la dep ka la don ka jingiakren bad bhah ia ki mang tyngka ha la ki jong ki tnad lyngba u Bah Seiborlang Warbah.
Ka KHADC kaba la mang tyngka kaba biang bha bad pynlong Ia ka KHADC kum ka Surplus ba duna jinglut.
Wat la katta ka konsil ka dang donkam ia ka jingiarap jong ka Sorkar jylla lyngba ka Tnad DCA.
Myn ha ka 6 tarik u Nailar ka EC ba la lamkhmat da u CEM u bah Shemborlang RYNJAH bad u EM Pla Tyngka ka la leit ud leit nam ha u Bah Prestone Tynsong uba dei u Myntri District Council Affairs ban ioh ia ka bhah jong ka ban ioh namar ki ar tylli ki District Konsil ka Garo bad Jaiñtia Hills district ki la ioh iathuh u CEM haba iakren sha ki lad pathai hadien ba la mih na kamra u Bah Prestone Tynsong.
U CEM u la ong ba ka jingthmu jong ka KHADC ka long ban pynbha shuh shuh ïa ka rukom pyniaid ïa ki kam jong ka Council bad ban wad lad ïa ka jingïatreilang bad ka Sorkar jylla. U la bynrap ruh ba ka KHADC ka kwah ban kyntiew ïa ki jingdon jingem jong ka kum ka bor synshar hapoh Sixth Schedule bad ban ïoh jingkyrshan na ka Sorkar Jylla bad Sorkar Pdeng.
U Bah Rynjah u la kdew ruh ka KHADC ka dei ka dak ba pyni ba ka Council ka la trei shitom ban pynmih pisa na la ki jong ki lad jingiohnong kum ki trade license, khajna, bad kiwei ki lad.
Katkum ka jingiathuh jong u CEM, ka jingiakynduh bad u Bah Prestone ka la long kaba beit, bad u kyrmen ba kin ïoh ïa ka jingïatreilang kaba janai na ka liang ka Sorkar jylla na ka bynta ka bha ka miat jong ki paidbah hapoh u pud u sam ka KHADC.