Kyllalyngkot 19: Ka Jylla Meghalaya mynta ka la ioh la ka jong ka jingrwai Anthem bad pyllait paidbah ha ka 20 tarik u Kyllalyngkot da u Myntri Rangbah ka jylla u Conrad K Sangma ñ. Ia katei Anthem jong ka jylla Meghalaya pynbna da u Myntri Rangbah ka jylla u Conrad K Sangma hynne ka sngi Thohdieng, hadien jong ka jingialang kynhun myntri kaba la dep ban ai jingmynjur. U Conrad Sangma ula pyntip ba ia katei ka State Anthem yn pyllait paidbah ha ka jingrakhe ia ka Meghalaya Day kaban pynlong ha ka sngi Saitjaiñ ha Tura.Ka jylla kam shym la don ia ka State Anthem mynta lapalat 52 snem ka long kaba sngewsarong bad kaba sngewkmen ia ka jylla. Ka ka tnad Arts & Culture bad baroh ki riewshimet kiba la donbynta lang ha kaban thaw ia ka state anthem ban pynwandur ia ki kyntien jong ka jingrwai bad ia ka sur jingrwai kaba la thaw da bun ngut ki briew kiba la donbyntalang” ong u Myntri Rangbah.
