Hadien 72 snem ka jingdon ka KHADC ai shlem treikam ka EC u CEM ja ki khlieh nongsynshar.

Shillong – Hadien 72 snem jong ka jingdon ka Khasi Hills Autonomous District Council ka la long ka jingmyntoi ia ki khun ki hajar bad ki khlieh nongsynshar Hima, raij ha ka mat iatreikam.
Ka KHADC naduh ki por mynshuwa ka la don ka jingpyrkhat ban ai bynta ia ka shlem treikam jong ki khlieh nongsynshar shnong bad ki syiem ha Council.
Mynta ka kynti ka KHADC lyngba ka Executive Committee ba ka lamkhmat da u Bah Pyniaid Sing Syiem kum u CEM ka la shim ia ka sienjam ban plie noh ia ka Shlem treikam ki Khiieh Nongsynshar kum ka jinglongtrai ia KHADC.
Ia katei ka kam ka EC ka bynshet ha u Bah P. N Syiem Symbud CEM uba dei u EM ka Elaka.
Haba ioh ban iakren u Bah PN Syiem sha ki lad pathai khubor u la iathuh ka long ka khubor kaba sngewtynnad ban tip paidbah sha ku khlieh nongsynshar ka bri u Hynnietrep ka la ai sngewbha ia ki nongsynshar hima, raij bad elaka ba ka Counsil kan plie paidbah noh ia ka Shlem treikam da u CEM ha ka 13 tarik u Nailur 2024.
U Bah PN Syiem u la ong ka la burom ia ka Counsil ban ai jaka ia ki khlieh nongsynshar ban don ka Shlem treikam ban iakren iaphylliew mut ia ki kam hima lane shnong ia kaba kim donkam shuh ban ien ban ap sharud shakiar jong ka KHADC.