ka Federation of Khasi Jaintia
and Garo People (FKJGP) South West Khasi Hills District hapoh ka jingïalam u Bah Kenesjune L.Nonglait President bad bah Balse Kharbani , Secretary ryngkat ki dkhot mynta ka sngi ka 28 tarik u Nailar 2025 ki la leit ban ïakynduh ïa ubah B. Mawlong Deputy Commissioner jong ka South West Khasi Hills District ban pan jingshai halor ka jing bym pat lah ban pyndep ia ka jingtei ia ka Block Institute of Education and Training ( BIET) kaba don ha ka shnong Sakwang, South West Khasi Hills District.
U Bah Kenesjune L Nonglait haba kren sha ki lad pathai khubor u la ong ba kane ka jingtei ka dei kaba la palat phew snem hynrei haduh mynta ym pat lah ban pyndep bad wanrah ia ka jingduh jingmyntoi ia ki ba bun ki samla pule ka dong ka thain bad ka
District kiba kwah ban pule pyntbit ha ka kam hikai.
Kumta ka seng ka la kyrpad ïa u DC ban tuklar lem ïa kane ka kam bad ka seng ka kyntu ruh ia ka Tnat Pule Puthi jong ka sorkar jylla ban pyndep noh kham kloi ia kane ka jingtei.