Nailur 25 : Ka jingiakren ia pyni nia bad pyrshah ki paid ka jylla ia ka kynhun ki bar jylla ban wan khang bam dih masi ha Meghalaya ka la long ka rynsan pynkhluit paidbah.
Haduh ki seng Bhalang bad ki seng saiñ pyrthei ki la pynpaw ka jingpyrshah ia ka seng Niam ki Hindu kiba thmu ban wan pynlong Rally ha Shillong.
Na ka Liang ki lad pathai khubor haba ioh ban buh jingkylli na u Myntri Rangbah ka Jylla u Conrad K Sangma kumno u sngew hato ka sorkar kan ai jingbit ne em.
Ka jubab ka long mar khongpong long kumba ai jingkyrshan pynban haba kylli ki lad pathai khubor.
U Conrad K Sangma u niat kylla sha ki bor District.
Ka jingpyrshah ia ka rally khang bam doh masi ha Shillong, u Conrad ula ong “Wat ka NPP haba ngi kwah ban pynlong rally, ngi hap ban aplai sha u DC bad hateng u DC um ai jingbit wat ia ka NPP ban pynlong rally”.
Ka Sorkar Kam don ei ei ban Ong ka rai la ban ai jingbit ne em ban pynlong ia kino kino ki rally ka dei kaba shim da ki bor District ym ha ka kyrdan jong u Myntri Rangbah iathuh u Conrad K Sangma.
Kat ka kyrdan u CM kumno kham donbor ka DC bad. Ia u CM ka bym lah ban long kaei ka Logic jong u Myntri Rangbah khaw heh kyrdan mano bad mano ba donbor ban ai hukum ka shong ha u paidbah ban bishar.
U Myntri Rangbah ha jingiathuh ka long ba um kwah ban mushlia u pyni kham don bor km a DC kata, kane ka rai ka shong eh ha ki bor District, kam dei ha ka kyrdan u Myntri Rangbah, wat lada u Myntri Rangbah u kwah ban pynlong rally na ka bynta ka party lajong, ngam shym la ioh jingbit hateng hateng na ki DC” ula ong ia kane haba pynkynmaw ia u Commissioner & Secretary Sanjay Goyal, ha ka por ba u long SDO ka Ampati, uba khlem ailad ia ka party ban pynlong rally ha u 2008.
Haba pynpaw ba kam don satia kano kano ka jingmushlia jong ka Sorkar halor kane, u Conrad ula ong “Ngi long shai bha ia kane. Ki jingbit ki dei kiba ai da ki kyrdan Deputy Commissioner bad ka shong ha ki DC ban rai la kin ai ne em haba pynshong nongrim ia ki jinglong jingman bad kiwei kiwei ki kam”.