halor ka Vehicle Tracking Device pynsngew kabSeng Taxi EKH bad Jaintia ïa u Symbud CM

Shillong, 4 tarik Rymphang – Ka jingpynbna jong ka Sorkar jylla ban buh noh da u Vehicle Tracking Device (VTD) ha baroh ki kali kamai paidbah, ka la pynlong ïa ka seng ki nongñiah taxi ba la tip kum ka East Khasi Hills Taxi Welfare Association lem bad ka All Jaintia Commercial Vehicles Association, ban leit jingïakynduh bad u Symbud Myntri Rangbah ka jylla Bah Sniawbhalang Dhar ha ka 4 tarik Rymphang, ha kaba ki la leit ruh ban peit ïa ka bynta jong ka Tnat Transport jong ka Sorkar jylla.
Hadien ka jingïakren bad u Symbud Myntri Rangbah, u President jong ka Seng, Bah Wandonbok Jyrwa, u la ong ba ka jingïakren ka la long kaba sngewtynnad, namar na ka liang ka Sorkar jylla ka la pynshai ba yn ym pyntreikam shuwa ban teh ïa u Vehicle Tracking Device tang ha ki taxi kamai kiba pynïaid tang hapoh jylla Meghalaya.
Katba ïa ki kali kamai paidbah kiba leit shabar jylla, u la ong ba ka Sorkar jylla kan dang hap ban ïa kren bad jingïakynduh shuh shuh ban bishar, la ka jingïabuh ïa u device kan dang donkam ne em, bad kumno ban pyntreikam ïa ka khlem da pynwit ïa ka jingïaid paidbah jong ki nongñiah taxi.