Ka jingjia aksiden ba sngewsih ha Uttar Pradesh: Lai ngut ki briew ki la duh noh ia la ka jong ka jingim hadien ba ka kali jong ki, hadien ba bud ia ka jingbthah na ka Google Maps, shuh shuh lah iathuh ruh ba ki la iaid bakla sha kawei ka flyover kaba dang shna.
Ka jingjia kaba sngewsih ha ka Elaka Bareilly ha Uttar Pradesh, ka la pyniap ia lai ngut ki briew, hadien ba ka kali jong ki, kaba la shah ialam bakla ha ka Google Maps, la iathuh ki pulit ha ka Sngi U Blei.
Katei ka jingjia aksiden, ka la jia ha ka miet Sngi Saitjañ shuh shuh lah iohjingtip ba kitei ki Briew ki ba lah khlad noh lah tip kyrteng ia ki kum u Vivek, u Amit bad uwei pat u briew uba lai, uba ym pat lah ban ithuh,
Shuh shuh la iohjingtip ba kitei ki laingut ki dang leit na Gurugram sha Bareilly ban leit sha ka jingkhawai shongkurim. Da kaba bud ia ki jingbthah jong ka GPS, u tei u nongñiah jongkatei ka Kali u khlem da tip u la iaid sha kawei ka lynti flyover ka ba dang shna bad ka la kut noh kynsan kynsan, bad ka la pynlong ia ka kali ban hap 50 phut shapoh ka wah ka ba don hapoh Katei ka flyover.
ki tyllong khubor ki iathuh ba Namar ka jingdum kaba jur, kim shym la iohi ia ka jingkieng kaba khlem pat biang.Shuh shuh ruh lah ioh jingtip ba Katei ka kali Wagon R kaba la ngeit ba ka dei ka taksi ba la ai wai,
Ia Katei ka jingjia la lap da ki nongshong shnong ha ka step jong ka sngi U Blei. Ka kali ka la sahkut ha ka wah, bad baroh lai ngut kiba shong ha ka la lap ba ki la iap bad ki nong shong ki ki la pyntip sha ki pulit bad ki la poi sha katei ka jaka ban sei ia kitei ki metiap, kiba la phah ban leh ia ki eksamin.
