Shillong, Kylla Lyngkot 24: Shi Maw hap lai tylli ki sim ba siat ka Sorkar MDA 2 ia ka New Township Shillong ne Shillong Bathymmai ha ki kam pynroi ban shna surok thymmai ban pynkylluid ia ka Shillong Barim ia kaba la plie maw nongrim da u Conrad K Sangma ha ka jingdonlang u Bah Prestone Tynsong myntri ka Tnad PWD ha Vivanta Taj Hotel myn ha ka 24 tarik u Kyllalyngkot.
Ia kitei ki lai tylli ki maw nongrim surok ba la plie kaba pyniasoh ia ka New Shillong Township (NST) kawei na Bellefonte sha NST ha ka dor ba dang mang kumba 49 Klur tyngka, kawei ka surok ), Diengpasoh sha Shillong Bypass ha ka dor 55 Klur , bad kawei na Bribah Mawpat sha NST ha ka dor 27-49 Klur tyngka.
Ki maw nongrim ba la buh ka long ban pynbha bad pynheh ia ka surok Shillong-Diengpasoh sha ka 2-Lane, kaba long naduh 14Km sha ka 21.20 Km.
Na ka liang ka Sorkar kan sa khot tender ha ki khyndiat taïew ha ryngkat ban sdang kloi noh ia ka jingtrei iathuh u Myntri Rangbah ha ka jingialang ba lyngkot.
Ban lait na ka jingkhapngiah ia ka Sor Shillong ka jingdheng kali bad ka jingnang roi jong ka Nongbah Shillong ha ki snem bala leit noh mynta ha kine lai snem ban wan yn lah ban pynheh bad pyniar ia ka Nongbah khnang ban pynduna ia ka jingkhapngiah iathuh u Myntri Rangbah.
U Conrad K Sàngma halor ka jingdonkam ban pynjanai ia ka sor Shillong bad ban nang pynmih ia ki jingtei jong ka Shillong Township bad Administrative City shabar jong ka Nongbah.
Wat ia ka Secretariat ba thymmai ha NST,ka Sorkar ka dang shong iaplan, pynwandur bad la khmih lynti ba kine ki kam kin dei hapoh u bnai Lber.U Myntri Rangbah un sa shong bishar ia ki jingpynwandur ha ka taiew ban wan bad la khmih lynti ba ka jingpyntrei ia ka kam kan sdang ha u Risaw bynrap u Conrad.
