Shillong, Risaw 26 : U Bah Prestone Tynsong ba khmih ia ka tnad PWD (Building) ula lum ia ka jingialang myn ha ka 26 tarik u Risaw ban bishar kam bad pyntip ba ia ka Iingdorbar Thaw Ain ba thymmai ka Jylla kaba la tei ha Mawdiangdiang, yn sa pyndep noh hapoh u bnai Nailar 2024.
Utei u Myntri Symbud ka JYlla haba batai sha ki lad pathai khubor ba ka Tnad ka la shong bishar ia baroh ki kam khnang ba ka jingtrei ka la tyllun shakhmat.
Ka Sorkar ka la buh ia ka thong ban pyndep noh kat kum ka por kaba buh ha lane shuwa u bnai Nailar 2024”.
U Bah Prestone Tynsong u la ong ka Tnum Pyllun ne ka dome ba la pra ha Assembly THYMMAI la dep ban pynkhuid lut ia ki jakhlia baroh bad ka jingtei nongrim kala iaid shaid shaid bad mynta kila dep ruh ban phah wanrah ia ki tiar prefab.
U bah Prestone ula pynpaw ruh ia ka jingsngew skhem ba ka Meghalaya Legislative Assembly kan sa ioh pynlong ia ka dorbar ba nyngkong eh ha kane ka Iingdorbar Thaw Ain ba thymmai ha ka aiom synrai ban wan.
