Shillong, Risaw 13: U SP ka East Khasi Hill District u Bah Vivek Syiem IPS u iathuh jingtohkit ia ka Heprit Insaphira Lyngdoh Mawnai ka dei na ka jingpynngam jyllop haba iakren sha ki lad pathai khubor ha Ophis SP Shillong.
Shuh shuh u Bah Vivek u iathuh ka kynhun Special Investigation Team (SIT) kala pynthikna ba ka jingiap jong I khynnah 4 snem Insaphira Lyngdoh Mawnai kala pynshisha ba ka jingjia ngam jyllop ka dei kaba la leh ban pyniap”
U khynnah 13 snem, u para marjan ba ju leit kai bha sha ka iing I Lanot myn ka 18 tarik Nailur, u , ula shah kem bad la phah mynta sha ka Juvenile home, hadien ba ka jingkubur ba u ialam ia ine I heprit sha ka Iing ba dang shna thymmai, ka jaka ba lap ia ka metiap ha ka 15 tarik Nailur.
Katei ka jingjia jong i heprit Insaphira Lyngdoh Mawnai la jah rngai nala iing na Nongrah Nonglum ha ka por 8 baje mynstep jong ka 14 tarik Nailur.
Ka daw tynrai ha lyndet kane ka kam bymman kam shai ong u Bah Vivek
Ki don shibun ki daw ia ka jingthmu leh khlem akor. Ka SIT kan shim katto katne por ban pynshisha la ka don ne em kano kano ka jingpyrshang ban leh khlem akor hynrei kawei ka kam kala thikna-ka jingngam jyllop la leh ban pyniap” ula bynrap.
Ha kawei ka liang u SP um kwah ban ei ei bad u
kyntait ruh ia ka jingdon kti jong kiwei pat ki briew ha kane ka kam bymman, haba pynthikna ba une u Khynnah 13 snem u la leh marwei ia kane ka kam.
Ka jingtohkit ka dang iaid bad ki Pulit kin sa buh da ka por ban aiti ia ka chargesheet tang mar syndep ka jingtohkit, ula ong