Shillong 2 tarik Iaiong – Ka Sorkar kan nym lah ban pynbeit pud lada kam don mon bad lada shah jem namar ka shah bat shabi ha ki Sorkar bakham donbor.
Ka Hynniewtrep Border Disputed Redressal Forum (HBDRF) kaba dei kawei na ki kynhun ba tynruh sha ka Sorkar ban pynbeit pud pynbeit sam khamtam ha ki Block I.
Ka jingiakren pynbeit pud pynbeit sam ha Meghalaya bad Assam la iohi ba ka Sorkar MDA ka shu kut tang ha ka Committee bad ka Sorkar Assam ka pyneh bad kyntur jaka namar ka Assam ka kheiñ kor ia ki jaka.
Ka Sorkar India ka niat beit sha ki Sorkar jylla ban pynbeit bad ka Assam ka shim kabu lada iakren ban pynbeit katkum ka Constitution hap rah ha Parliament ong u Bah Thomas Passah. Ka Sorkar Meghalaya bad ki paidbah ka iakren pynbeit pud da ka Historical hynrei kam long namar kane ka jingkren ka dei kaba ma bha namar kat kum ka histori, ngi tip ba ka Block-I bad II la rah sha Assam ha u 1951 haba pynshong nongrim na ka jingpynkha ia ki District Council ha u snem 1952 bad ha katei ka por, kam pat don ka jingioh Jylla. Balei ba ia ka Block-I bad II la pyniasoh sha ka Karbi Anglong Mikir Hill Autonomous District Council, ka dei eh namar ka jingsuk ha ka synshar khadar ym namar ba ki jaka ki hap ha Assam lane ha Mikir Hills” ula ong.
u Nongaiktien ka Forum bad Working President ka KHNAM Thomas Passah ula ong “Khlem da leit jurip ia ki shnong ki thaw, lad aka Committee ka shim rai ban aiti ia ka kaiphod, ngi sngew b aka kaiphod kan nym dei kaba pynshong nongrim kat kum kaba dei hok. Ngi la pynpaw ia ka jingdonkam jong ngi hakhmat u CM ba un shah ia ngi ban iakynduh bad u khnang ba ngin lah ban batai ia ka jinglong jingman ka Block-I naduh u snem 1951”.
U Bah Thomas ula kren ruh halor ka video kaba u kynnoh ba u Myntri Rangbah ula ong ba ka Block-I bad II ka dei kaba la aiti sha ka Assam ha ryngkat bad baroh ki kot ki sla.
Kane ka pyni ba ka jingpynbeit pud hapdeng ka Meghalaya bad Assam hap tuklar da ka Sorkar India namar ka iaid da ka Constitutional iathuh u Bah Thomas Passah.